തൃശ്ശൂര്‍ : ശബരിമലയിലെ ആചാരലംഘനവുമായി ബന്ധപ്പെട്ട് നടന്ന ഹര്‍ത്താലില്‍ ബിജെപി പ്രവര്‍ത്തകരെ ആക്രമിച്ച സംഭവത്തില്‍ എസ്ഡിപി സംഘത്തിലെ പ്രധാനിയെ പൊലീസ് അറസ്റ്റ് ചെയ്തു. തൃശ്ശൂര്‍ വാടാനപ്പള്ളി ഗണേശമംഗലത്ത് നടന്ന അക്രമത്തിലാണ് പ്രതി പിടിയിലായത്.
എസ് ഡി പി ഐ നാട്ടിക മേഖലയിലെ നേതാവായ തളിക്കുളം സ്വദേശി കല്ലിപ്പറമ്പില്‍ ഷെഹിനെയാണ് വലപ്പാട് സി ഐ ടി കെ ഷൈജുവും സംഘവും അറസ്റ്റ് ചെയ്തത്. മലപ്പുറം ചങ്ങരംകുളത്തുള്ള ആയ്യുര്‍വ്വേദ ആശുപത്രിയില്‍ നിന്നാണ് പ്രതിയെ പിടികൂടിയത്.
ഇയാള്‍ താമസിച്ചിരുന്ന മുറിയില്‍ നിന്ന് ആയുധവും പൊലീസ് കണ്ടെടുത്തിട്ടുണ്ട്. കേസില്‍ ഒന്നാംപ്രതിയാണ് ഷെഹിന്‍. സംഭവത്തില്‍ ഇതുവരെ 13 പേരെ പൊലീസ് അറസ്റ്റ് ചെയ്തിട്ടുണ്ട്. ഇതില്‍ എട്ട് പേര്‍ എസ്ഡിപിഐ പ്രവര്‍ത്തകരും 5 പേര്‍ ബിജെപി പ്രവര്‍ത്തകരുമാണ്.
Post Your Comments