മനാമ : സംസ്കൃതി ബഹ്റൈൻ ജീവകാരുണ്യ പ്രവർത്തനങ്ങളുടെ ഭാഗമായി നടത്തിവരാറുള്ള രക്തദാന ക്യാമ്പ് ഇന്ത്യൻ റിപ്പബ്ലിക് ദിനത്തോടനുബന്ധിച്ച് തലേദിവസമായ ജനുവരി 25ന് സൽമാനിയ ആശുപത്രിയിൽ രക്ത ബാങ്കിന്റെ സഹകരണത്തോടെ രക്ത ദാനം ജീവദാനമെന്ന സന്ദേശം ഉയർത്തി നടത്തുന്നു. എല്ലാവർഷവും വിവിധ ഘട്ടങ്ങളായി നടത്തുന്ന രക്തദാനക്യാമ്പിന്റെ ഈ വർഷത്തെ ആദ്യത്തെ ക്യാമ്പാണ് ഇത്.
സംസ്കൃതി തുടക്കം കുറിച്ച് അഞ്ച് വർഷം പിന്നിട്ടിരിക്കുന്ന ഈ വേളയിൽ കൂടുതൽ ആൾക്കാരെ പങ്കെടുപ്പിച്ച് കൊണ്ടുള്ള രക്തദാന ക്യാമ്പാണ് നടത്തുന്നത്. സംസ്കൃതിയുടെ വിവിധ യൂണിറ്റുകളിൽ നിന്നായി 150 ൽ പരം അംഗങ്ങൾ രക്തദാദാക്കളായി എത്തിച്ചേരും എന്ന് സംസ്കൃതി പ്രസിഡന്റ് സുരേഷ് ബാബു, ജനറൽ സെക്രട്ടറി പ്രവീൺ നായർ എന്നിവർ അറിയിച്ചു.
Post Your Comments