രഞ്ജി ട്രോഫി : തുടര്‍ച്ചയായ രണ്ടാം തവണയും ക്വാട്ടറിൽ കടന്ന് കേരളം

ഷിംല: രഞ്ജി ട്രോഫിയിൽ തകർപ്പൻ ജയത്തോടെ തുടര്‍ച്ചയായ രണ്ടാം തവണയും ക്വാട്ടറിൽ കടന്ന് കേരളം.എലൈറ്റ് ഗ്രൂപ്പ് ബിയിലെ രണ്ടാം സ്ഥാനക്കാരായ ഹിമാചല്‍ പ്രേദേശിനെ അഞ്ച് വിക്കറ്റിന് പരാജയപ്പെടുത്തിയാണ് ക്വാട്ടറിലേക്കുള്ള കേരളത്തിന്റെ ചുവട് വെയ്പ്. 285/8 എന്ന മൂന്നാംദിന സ്കോറില്‍ തന്നെ ഹിമാചല്‍ രണ്ടാം ഇന്നിംഗ്സ് ഡിക്ലയര്‍ ചെയ്തതോടെ 297 റണ്‍സ് വിജയലക്ഷ്യവുമായി രണ്ടാം ഇന്നിങ്‌സ് പൊരുതാൻ ഇറങ്ങിയ കേരളത്തിനു വിനൂപ് (96), സച്ചിന്‍ ബേബി (92), സഞ്ജു സാംസണ്‍ (61) എന്നിവർ അര്‍ധ സെഞ്ചുറികൾ നേടിയതോടെയാണ് ജയവുമായി മടങ്ങാനായത്.

സ്‌കോര്‍: ഹിമാചല്‍ 297 & 285/5. കേരളം: 286 & 299/5.