ഉലകനായകന്‍ കമല്‍ഹാസന്‍ ചിത്രം ഇന്ത്യന്‍ 2വില്‍ കമല്‍ഹാസന്റെ കൊച്ചുമകനായി ചിമ്പുവെത്തും. കാജല്‍ അഗര്‍വാള്‍ നായികയാകുന്ന ചിത്രത്തില്‍ സൗത്ത് കൊറിയന്‍ സുന്ദരി ബേ സുസി കൂടി അഭിനയിക്കുന്നുണ്ട്.
കമലിന്റെ ജന്മദിനത്തിലാണ് ലൈക്ക പ്രൊഡക്ഷന്‍സ് നിര്‍മ്മിക്കുന്ന ഇന്ത്യന്‍ 2 ന്റെ പ്രഖ്യാപനം നടത്തിയത്. ചിത്രം സംവിധാനം ചെയ്യുന്നത് ശങ്കറാണ്. നല്ലൊരു ഭാഗം ഉക്രെയ്നില്‍ ചിത്രീകരിക്കും. ചിത്രത്തിന്റെ സംഗീത സംവിധായകന്‍ അനിരുദ്ധ് രവിചന്ദറും ഛായാഗ്രഹണം രവി വര്‍മ്മനുമാണ്.
ചിത്രത്തിന് മലയാളികള്‍ക്ക് പ്രതീക്ഷിക്കാവുന്ന മറ്റൊരു കാര്യം കൂടിയുണ്ട്. ആദ്യമായി മമ്മൂട്ടിയും മകന്‍ ദുല്‍ഖര്‍ സല്‍മാനും ഒന്നിക്കുന്ന ചിത്രമാകും ഇന്ത്യന്‍ 2. മമ്മൂട്ടിയുടെ 400-ാം ചിത്രത്തില്‍ അച്ഛനും മകനും ഒന്നിക്കുന്നെന്ന വാര്‍ത്ത കഴിഞ്ഞ വര്‍ഷം പുറത്തു വന്നിരുന്നു. പക്ഷെ ഇതേക്കുറിച്ചു പിന്നീടൊന്നും കേട്ടിരുന്നില്ല. മമ്മൂട്ടിയുടെ 397-ാം ചിത്രം മാസ്റ്റര്‍പീസ് ചിത്രീകരണം നടക്കുന്ന വേളയിലായിരുന്നുവിത്. വായേയ് മൂടി പേസവും, ഓ കാതല്‍ കണ്മണി, സോളോ എന്നീ ചിത്രങ്ങള്‍ക്ക് ശേഷം വരുന്ന ദുല്‍ഖറിന്റെ തമിഴ് ചിത്രമാണ് ഇന്ത്യന്‍ 2.
Post Your Comments