ശബരിമലയില്‍ കൊല്ലം സ്വദേശിനി പ്രവേശിച്ചെന്ന് അവകാശവാദം;വീഡിയോ പുറത്ത് വിട്ടു

സന്നിധാനം :  ‘നവോത്ഥാന കേരളം ശബരിമലയിലേക്ക്’ എന്ന ഫേസ്ബുക്ക് ഗ്രൂപ്പാണ് ശബരിമലയില്‍ വീണ്ടും യുവതി കയറിയതായി അവകാശ വാദം ഉന്നയിച്ചിരിക്കുന്നത്. ശബരിമലയില്‍ യുവതി പ്രവേശിക്കുന്ന ദൃശ്യങ്ങളും ഇവരുടെ പേജില്‍ അപ്ലോഡ് ചെയ്തിട്ടുണ്ട്.

https://www.facebook.com/navothana.keralam/videos/388877668587400/

 

കൊല്ലം സ്വദേശി മഞ്ജുവാണ് ഇന്നലെ പകലാണ് ശബരിമലയില്‍ പ്രവേശിച്ചുവെന്നാണ് ഇവര്‍ അവകാശപ്പെടുന്നത്.

മഞ്ജു പതിനെട്ടാം പടി ചവിട്ടുന്നതിന്റേയും സന്നിധാനത്ത് നില്‍ക്കുന്നതിന്റേയും ദൃശ്യങ്ങള്‍ വീഡിയോയിലുണ്ട്. പൊലീസിനെ അറിയിക്കാതെ രഹസ്യമായായിരുന്നു ഇന്നലത്തെ സന്ദര്‍ശനം.

ഇന്നലെ കാലത്ത് 7.30 ന് ശ്രീകോവിലിനു മുന്നിലെത്തുകയും നെയ്യഭിഷേകം മുതല്‍ എല്ലാ ചടങ്ങുകളും അയ്യപ്പക്ഷേത്രത്തിലും മാളികപ്പുറം ക്ഷേത്രത്തിലും നടത്തിയെന്നും ഓണ്‍ലൈന്‍ കൂട്ടായ്മ അവകാശപ്പെടുന്നു.