മുംബൈ: ശിവസേനക്ക് മുന്നറിയിപ്പുമായി ബിജെപി അധ്യക്ഷന്‍ അമിത് ഷാ. തങ്ങളുമായി സഖ്യത്തിലാണെങ്കില്‍ അവരുടെഒപ്പം ബിജെപി ഉണ്ടാവുമെന്നും ഇല്ലെങ്കിൽ മറ്റു പ്രതിപക്ഷത്തെ പോലെ തന്നെ എതിർക്കുമെന്നും അമിത്ഷാ പറഞ്ഞു. മഹാരാഷ്ട്രയില്‍ 48-ല്‍ 40 സീറ്റിലും ബിജെപി വിജയമുറപ്പിക്കുമെന്ന് മുഖ്യമന്ത്രി ദേവേന്ദ്ര ഫ്ഡനാവിസ് പ്രഖ്യാപിച്ചതിന് പിന്നാലെയാണ് അമിത് ഷായുടെ ഈ പ്രസ്താവന.
പല പ്രവർത്തകർക്കും ഇതോടെ ആശയക്കുഴപ്പം നീക്കാനായി. ശിവസേനയുമായുള്ള സഖ്യത്തെ സംബന്ധിച്ച് ഇതാദ്യമായിട്ടാണ് ബിജെപി പരസ്യമായ നിലപാടെടുക്കുന്നത്. അതെ സമയം ഏതു വെല്ലുവിളിയും ഏറ്റെടുക്കാൻ തയ്യാറാണെന്ന് ശിവസേന പറഞ്ഞു. 200 വര്‍ഷം രാജ്യം അടിമത്തത്തിലായിരുന്നു. ഈ തിരഞ്ഞെടുപ്പില്‍ നമ്മള്‍ വിജയിച്ചാല്‍ നമ്മുടെ ആശയങ്ങള്‍ 50 വര്‍ഷം ഭരിക്കുമെന്നും അദ്ദേഹം പറഞ്ഞു.
ഉത്തര്‍പ്രദേശില്‍ ബിജെപി 2014-ല്‍ 71 സീറ്റുകള്‍ നേടിയിട്ടുണ്ട്. ഇത്തവണ ബിഎസ്പിയും എസ്പിയും കൈകോര്‍ത്തിരിക്കുന്നു. എന്നാല്‍ ബിജെപി 74 സീറ്റിലായിരിക്കും ഇത്തവണ ജയിക്കുക എന്നും അമിത് ഷാ പറഞ്ഞു.
Post Your Comments