തിരുവനന്തപുരം : ശബരിമല വിഷയത്തിൽ തലസ്ഥാനത്ത് ബിജെപി- എസ്എഫ്ഐ സംഘർഷം. സെക്രട്ടറിയേറ്റിന് മുമ്പിൽ ഇരുപാർട്ടിക്കാരും കല്ലും കമ്പുകളും ഉപയോഗിച്ച് ആക്രമണം നടത്തുകയാണ്. ബിജെപിയുടെ സമരപ്പന്തിലിന് നേരെ പോലീസ് കണ്ണീർ വാതകം ഉപയോഗിച്ചു. പ്രതിഷേധക്കാർക്ക് നേരെ പോലീസ് ജലപീരങ്കിയും ഉപയോഗിച്ചിട്ടുണ്ട്. പിന്തിരിപ്പിക്കാൻ പോലീസ് ശ്രമം തുടരുകയാണ്.
പോലീസ് കണ്ണീർ വാതകം പ്രയോഗിച്ചതോടെ സമരപന്തലിൽ നിരാഹാരം നടത്തിയ ബിജെപി പ്രവർത്തകൻ ശിവരാജന് ദേഹാസ്വാസ്ഥ്യം അനുഭവപ്പെട്ടു. ഇതോടെ ഇദ്ദേഹത്തെ ആശുപത്രിയിലേക്ക് മാറ്റാനൊരുങ്ങുകയാണ്.എന്നാൽ ശിവരാജനെ ആശുപത്രിയിലേക്ക് കൊണ്ടുപോകാൻ എത്തിയ ആംബുലൻസിന് നേരെ കല്ലേറുണ്ടായി. കഴിഞ്ഞ ആറു ദിവസമായി ശിവരാജൻ നിരാഹാരമിരിക്കുകയാണ്.
ഇതിനിടെ തിരുവനന്തപുരം നെയ്യാറ്റിന്‍കരയില്‍ ഒരാള്‍ പൊട്രോളൊഴിച്ച്‌ ആത്മഹത്യാ ശ്രമത്തിന് മുതിര്‍ന്നു. ഇയാളെ പോലീസ് വിരട്ടിയോടിക്കുകയായിരുന്നു. തുടര്‍ന്ന് പ്രതിഷേധക്കാരും പോലീസും തമ്മില്‍ കല്ലേറും ലാത്തി ചാര്‍ജും ഉണ്ടായി. ലാത്തി ചാര്‍ജ്ജില്‍ 10 ശബരിമല കര്‍മ്മസമിതി പ്രവര്‍ത്തകര്‍ക്ക് പരിക്കേറ്റു. ഇതേത്തുടര്‍ന്ന് അക്രമികള്‍ ദേശീയപാത ഉപരോധിച്ച്‌ തീ കത്തിച്ചു.
Post Your Comments