എത്തിഹാദ് : ആരാധകര്‍ ആവേശത്തോടെ കാത്തിരിക്കുന്ന തീപാറുന്ന മത്സരമായ മാഞ്ചസറ്റര്‍ സിറ്റി- ലിവര്‍പൂള്‍ മത്സരത്തിന് മുന്‍പായി എതിര്‍ടീമിനെ പ്രശംസിച്ച് മാഞ്ചസ്റ്റര്‍ സിറ്റി കോച്ച് ഗ്വാര്‍ഡിയോള രംഗത്ത്
ലോകത്ത് ഇന്നുള്ളതില്‍ ഏറ്റവും ഫോമിലുള്ള ടീം ലിവര്‍പൂളാണെന്ന് മാഞ്ചസ്റ്റര്‍ സിറ്റി പരിശീലകന്‍ പെപ് ഗ്വാര്‍ഡിയോള. മാഞ്ചസ്റ്റര്‍ സിറ്റി ഇക്കാര്യം അംഗീകരിക്കണമെന്നും ഗ്വാര്‍ഡിയോള പറഞ്ഞു. ഇംഗ്ലീഷ് പ്രീമിയര്‍ലീഗില്‍ 20 മത്സരങ്ങള്‍ തോല്‍ക്കാതെ ഒന്നാം സ്ഥാനത്തുള്ള ലിവര്‍പൂളിന് 54 പോയന്റാണുള്ളത്.
47 പോയന്റുമായി സിറ്റിയാണ് രണ്ടാം സ്ഥാനത്ത്. വ്യാഴാഴ്ച മാഞ്ചസ്റ്റര്‍ സിറ്റിയുടെ തട്ടകമായ എത്തിഹാദിലാണ് ഇരു ടീമുകളും തമ്മിലുള്ള വാശിയേറിയ പോരാട്ടം. അന്ന് പോയന്റ് നേടാന്‍ സാധിച്ചില്ലെങ്കില്‍ കാര്യങ്ങള്‍ പരുങ്ങലിലാകുമെന്നും ഗ്വാര്‍ഡിയോള പറയുന്നു.
Post Your Comments