ആലുവ: പുതുവര്‍ഷദിന ആഘോഷങ്ങളില്‍ പങ്കുചേരാന്‍ കൊച്ചി മെട്രോയും. കൊച്ചിയിലെത്തുന്നവരെ സ്വീകരിക്കാന്‍ സര്‍വ്വീസ് സമയം ദീര്‍ഘിപ്പിച്ചാണ് ആഘോഷങ്ങളില്‍ കൊച്ചി മെട്രോയും ഒപ്പം കൂടുന്നത്. സമയം ദീര്‍ഘിപ്പിക്കുന്നതിന്റെ ഭാഗമായി ഡിസംബര്‍ 30 ന് രാത്രി സമയം 11 മണി വരെ ആലുവയില്‍ നിന്നും മഹാരാജാസ് കോളേജ് സ്റ്റേഷനില്‍ നിന്നും സര്‍വ്വീസുകള്‍ ഉണ്ടാകുന്നതായിരിക്കും. കൂടാതെ 31 ന് പതിവു പോലെ രാവിലെ ആറ് മണിക്ക് ആരംഭിക്കുന്ന സര്‍വ്വീസ് വര്‍ഷാരംഭ ദിവസം പുലര്‍ച്ചെ ഒരു മണിക്കാവും അവസാനിക്കുക.
പതിവ് പ്രവര്‍ത്തി ദിവസങ്ങളില്‍ രാവിലെ ആറ് മണിക്ക് ആരംഭിക്കുന്ന സര്‍വ്വീസ് രാത്രി പത്ത് മണിക്കാണ് അവസാനിപ്പിക്കാറുള്ളത്. എന്നാല്‍ പുതുവര്‍ഷം പ്രമാണിച്ച് മറ്റ് ഒട്ടേറെ സ്ഥലങ്ങളില്‍ നിന്നും വിനോദ സഞ്ചാരികളും നാട്ടുകാരും കൊച്ചിയിലേക്ക് എത്തുമെന്നതിനാലാണ് ഇത്തരത്തില്‍ ഒരു രീതിയില്‍ യാത്രാ സൗകര്യം ക്രമീകരിക്കുന്നതെന്ന് കൊച്ചി മെട്രോ അധികൃതര്‍ അറിയിച്ചു.
Post Your Comments