ക്ഷേത്ര ദര്‍ശനത്തിന് പോയ സംഘം സഞ്ചരിച്ച വാനും ലോറിയും കൂട്ടിയിടിച്ച് 10 വയസുകാരന് ദാരുണ മരണം

ബാലരാമപുരം: വാനും ലോറിയും കൂട്ടിയിടിച്ച് 10 വയസുകാരന് ദാരുണ മരണം. ക്ഷേത്ര ദര്‍ശനത്തിന് പോയ സംഘം സഞ്ചരിച്ച വാനാണ് അപകടത്തില്‍പ്പെട്ടത്. നെയ്യാറ്റിന്‍കരയിലെ അഭിനവ് (10) ആണ് മരിച്ചത്. തിരുവൈരാണിക്കുളം ക്ഷേത്രദര്‍ശനത്തിന് പോവുകയായിരുന്ന സംഘത്തിന്റെ വാന്‍ ബാലരാമപുരം മുടവൂര്‍പാറയ്ക്ക് സമീപത്തു വെച്ചാണ് അപകടത്തില്‍പ്പെട്ടത്. വാനിലുണ്ടായിരുന്ന ലത, സന്ധ്യ എന്നിവര്‍ക്ക് പരിക്കേറ്റു. മൂവരെയും നെയ്യാറ്റിന്‍കരയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നുവെങ്കിലും അഭിനവ് മരിക്കുകയായിരുന്നു. പെരുങ്കടവിള എല്‍പിബിഎസിലെ അഞ്ചാം ക്ലാസ് വിദ്യാര്‍ഥിയാണ് അഭിനവ്.