അവധിക്കാല തിരക്ക് പ്രമാണിച്ച് തിരുവനന്തപുരത്ത് നിന്നും ചെന്നൈയിലേക്ക് സ്‌പെഷ്യല്‍ ട്രെയിനുകള്‍

കൊച്ചി: അവധിക്കാല തിരക്ക് പരിഗണിച്ചു ചെന്നൈയിലേക്കു സ്‌പെഷ്യല്‍ ട്രെയിന്‍ പ്രഖ്യാപിച്ചു. തിരുവനന്തപുരം ചെന്നൈ സ്‌പെഷല്‍ (06014) 31ന് ഉച്ചയ്ക്ക് 3.45ന് പുറപ്പെട്ട് പിറ്റേ ദിവസം 9.45ന് ചെന്നൈയിലെത്തും. ഫസ്റ്റ് ക്ലാസ് കം സെക്കന്‍ഡ് എസി1, സെക്കന്‍ഡ് എസി1, തേഡ് എസി2, സ്ലീപ്പര്‍8, ജനറല്‍8 എന്നിങ്ങനെയാണു കോച്ചുകളുണ്ടാകുക.

സ്റ്റോപ്പുകള്‍: കൊല്ലം, കായംകുളം, ചെങ്ങന്നൂര്‍, തിരുവല്ല, ചങ്ങനാശേരി, കോട്ടയം, എറണാകുളം ടൗണ്‍, ആലുവ, തൃശൂര്‍, പാലക്കാട്, കോയമ്പത്തൂര്‍, തിരുപ്പൂര്‍, ഈറോഡ്, സേലം, ജോലാര്‍പേട്ട, കാട്പാടി, ആര്‍ക്കോണം, പെരമ്പൂര്‍.