ത്രിപുര മുനിസിപ്പൽ ഉപതെരഞ്ഞെടുപ്പ് ; സമ്പൂർണ്ണ വിജയവുമായി ബിജെപി, കെട്ടിവെച്ച കാശ് നഷ്ടപ്പെട്ട് സിപിഎം

അഗർത്തല : ത്രിപുര മുനിസിപ്പൽ കൗൺസിലുകളിലേക്ക് നടന്ന ഉപതെരഞ്ഞെടുപ്പ് തൂത്തുവാരി ബിജെപി. ഉപതെരഞ്ഞെടുപ്പ് നടന്ന 11 മുനിസിപ്പൽ കൗൺസിലുകളും സമ്പൂർണ്ണ വിജയം ബിജെപി നേടി.അഗർത്തല മുനിസിപ്പൽ കോർപ്പറേഷനിൽ നാലു സീറ്റുകളിലും ബിജെപി വിജയിച്ചു. സിപിഎമ്മിന് ഭൂരിഭാഗം സീറ്റുകളിലും കെട്ടിവെച്ച കാശു പോലും ലഭിച്ചില്ല.

കോൺഗ്രസും തകർന്നടിഞ്ഞു. ബിപ്ലബ് ദേബ് സർക്കാരിന്റെ പ്രവർത്തനത്തിന് ജനങ്ങൾ നൽകിയ അംഗീകാരമാണ് മുൻസിപ്പൽ തെരഞ്ഞെടുപ്പുകളിലെ വിജയമെന്ന് ബിജെപി അഭിപ്രായപ്പെട്ടു. നേരത്തെ നടന്ന തെരഞ്ഞെടുപ്പുകളിലും 96 ശതമാനം പഞ്ചായത്ത് സീറ്റുകളിലും ബിജെപി എതിരില്ലാതെ വിജയിച്ചു. തെരഞ്ഞെടുപ്പ് നടന്ന 130 സീറ്റുകളിൽ 113 ലും ബിജെപി വിജയിച്ചു.

സ്ഥാനാർത്ഥിയുടെ മരണത്തെ തുടർന്ന് നീട്ടിവെച്ച ചാരിലാം നിയമ സഭ മണ്ഡലത്തിലും ബിജെപി വിജയിക്കുകയായിരുന്നു.