മുംബൈ : അടുത്തിടെയായി ബോളിവുഡില്‍ പരാജയങ്ങളില്‍ ഉലയുന്ന ഷാരൂഖ് ഖാന് വിജയ സിംഹാസനം തിരിച്ച് പിടിക്കാന്‍ തന്റെ ഭാഗ്യ ക്ഥാപാത്രവുമായി വീണ്ടും എത്തുന്നു. ഡോണ്‍ സീരീസലെ മൂന്നാം ഭാഗം അണിയറയില്‍ ഒരുങ്ങുന്നതായാണ് പുറത്തു വരുന്ന റിപ്പോര്‍ട്ടുകള്‍.
ഏറെ പരിശ്രമങ്ങള്‍ ചെയ്ത് അഭിനയിച്ച സീറോ ചിത്രത്തിന്റെ പരാജയം ഷാരൂഖിനേയും അദ്ദേഹത്തിന്റെ ആരാധകരേയും ഏറെ തളര്‍ത്തിയിരുന്നു. ഈ തകര്‍ച്ചയില്‍ നി്ന്നും കരകയറാന്‍ താരത്തെ സഹായിക്കുന്ന ചിത്രം കൂടിയാവും ഡോണ്‍ 3.
ഡോണിന്റെ ഒന്നാം ഭാഗവും രണ്ടാം ഭാഗവും വന്‍ വിജയങ്ങളാണ് ഷാരൂഖിന്റെ കരിയറില്‍ സമ്മാനിച്ചത്. അതുകൊണ്ടെ തന്നെ ഏറെ ആത്മവിശ്വാസത്തോടെയാവും കിംഗ് ഖാന് ചിത്രത്തെ സമീപിക്കുക. ഫര്‍ഹാന്‍ അഖ്തര്‍ തന്നെയാണ് പുതിയ ചിത്രത്തിന്റെ സംവിധാനമെന്നും ചിത്രത്തിന്റെ സക്രിപ്റ്റ് വര്‍ക്കുകള്‍ പൂര്‍ത്തിയായെന്നുമാണ് ബോളിവുഡ് അണിയറ സംസാരം.
Post Your Comments