പത്തനംതിട്ട: ശബരിമല ദർശനത്തിനായി 2 യുവതികൾകൂടിയെത്തി. കനകദുര്‍ഗ്ഗ, അഡ്വ. ബിന്ദു എന്നീ യുവതികളാണ് ഇപ്പോൾ നീലിമലയിൽ എത്തിയിരിക്കുന്നത്. മലപ്പുറം ജില്ലയില്‍ നിന്നുള്ള യുവതികളാണ് ഇവര്‍.
തലശേരി സ്‌കൂള്‍ ഓഫ് ലീഗല്‍ സ്റ്റഡീസ് പ്രൊഫസര്‍ ആണ് ബിന്ദു. സപ്ലൈകോ സെയില്‍സ് അസിസ്റ്റന്റ് മാനേജറാണ് കനകദുര്‍ഗ്ഗ. 45 വയസിന് താഴെയാണ് ഇവരുടെ പ്രായം. ഇരുവരും പോലീസ് സംരക്ഷണം ആവശ്യപ്പെട്ടിട്ടില്ല.എന്നാൽ ഡിവൈഎസ്പി യുടെ നേതൃത്വത്തിൽ ഇവർക്ക് സുരക്ഷയൊരുക്കുമെന്ന് പോലീസ് അറിയിച്ചു.
ഭക്തജനത്തിരക്ക് അനുഭവപ്പെടുന്നുണ്ടെങ്കിലും പ്രതിഷേധം തന്നെ ഒന്നും ഇതുവരെ ഉണ്ടായിട്ടില്ല.
Post Your Comments