വടക്കാഞ്ചേരി: സ്ഫോടക വസ്തുക്കള്‍ക്ക് സമാനമായ വസ്തുക്കള്‍ ട്രെയിനില്‍ നിന്നും കണ്ടെത്തിയത് യാത്രക്കാരെ പരിഭ്രാന്തരാക്കി. സീറ്റിനടിയില്‍ നിന്ന് പുകയുയരുന്നത് യാത്രക്കാരാണ് ആദ്യം കണ്ടത്. മംഗലാപുരം-തിരുവനന്തപുരം മലബാര്‍ എക്‌സ്പ്രസ്സിലാണ് സംഭവം. വടക്കാഞ്ചേരിക്ക് സമീപമാണ് സംഭവം നടന്നത്. പുകയുയരുന്നത് കണ്ട യാത്രക്കാര്‍ കവര്‍ പുറത്തേക്ക് വലിച്ചെറിഞ്ഞു. ട്രെയിന് നിര്‍ത്തിയിട്ട് പരിശോധന നടത്തിയ ശേഷമാണ് യാത്ര തുടര്‍ന്നത്. തൃശൂര്‍ റയില്‍വേ സ്റ്റേഷനിലെ ലോക്കോ പൈലറ്റ് അറിയിച്ചതിനെ തുടര്‍ന്ന് ആര്‍പി എഫ് സി ഐ കേശവദാസും തൃശ്ശൂര്‍ എസ് ഐയും സ്ഥലത്തെത്തി പരിശോധന നടത്തി. വൈറ്റ് ക്രിസ്റ്റലും ഗ്ലാസുകളും മൂന്ന് ലിറ്റര്‍ കന്നാസില്‍ പ്രത്യേക ദ്രാവകവും പ്ലാസ്റ്റിക് കയറുമാണ് കവറില്‍ ഉണ്ടായിരുന്നത്. പോലീസ് അന്വേഷണം ആരംഭിച്ചു.
Post Your Comments