ജമ്മു കശ്മീര്‍: ജമ്മുകശ്മീരിലെ പുല്‍വാമയിലുണ്ടായ ഏറ്റുമുട്ടലില്‍ ആറ് ഭീകരരെ ഇന്ത്യന്‍ സൈന്യം വധിച്ചു. കൊല്ലപ്പെട്ടവരില്‍ ഒരാള്‍ അന്‍സാര്‍ ഗസ്വത്തുള്‍ ഹിന്ദ് തലവന്‍ സാക്കിര്‍ മൂസയുടെ സഹായിയാണെന്ന് പൊലീസ് പറഞ്ഞു. വന്‍ ആയുധശേഖരവും ഭീകരരില്‍ നിന്ന് പിടിച്ചെടുത്തു. ഇന്ന് പുലര്‍ച്ചെ അവന്തിപോരയിലെ ആരംപോര ഗ്രാമത്തില്‍ വച്ചാണ് ഏറ്റുമുട്ടല്‍ ഉണ്ടായത്.
ഭീകരര്‍ ഒളിഞ്ഞിരിപ്പുണ്ടെന്ന വിവരത്തെ തുടര്‍ന്ന് നടത്തിയ തിരച്ചിലിനിടെയായിരുന്നു ഏറ്റുമുട്ടല്‍. ഏറ്റുമുട്ടലില്‍ രണ്ട് സൈനികര്‍ക്ക് പരിക്കേറ്റു.സൈന്യവും പൊലീസും സംയുക്തമായി നടത്തുന്ന തിരച്ചില്‍ പുരോഗമിക്കുകയാണ്. ഭീകര വിരുദ്ധ ഓപ്പറേഷനുകളില്‍ മികച്ച ഓപ്പറേഷനാണ് ഇപ്പോള്‍ നടന്നതെന്ന് സൈന്യം വിലയിരുത്തി. കൂടാതെ കുപ്രസിദ്ധ ഭീകരന്‍ സാക്കിര്‍ മൂസയുടെ സഹായിയെ വധിക്കാനായത് വന്‍ നേട്ടമാണെന്നും സൈന്യം പറയുന്നു.
Post Your Comments