ദേശീയ പാതയിൽ അപകടം ; ഒരാൾ മരിച്ചു ,പരിക്കേറ്റവരുടെ നില ഗുരുതരം

ആലപ്പുഴ : യാത്രക്കാരുമായി പോയ ടെമ്പോ ട്രാവലറും ലോറിയും കൂട്ടിയിടിച്ചുണ്ടായ അപകടത്തിൽ ഒരു മരണം. നിരവധിപേർക്ക് പരിക്കേറ്റു. ടെമ്പോ ട്രാവലർ ഓടിച്ചയാളാണ് മരിച്ചത്. പരിക്കേറ്റവരിൽ നാലുപേരുടെ നില ഗുരുതരമായി തുടരുകയാണ്. ദേശീയ പാതയിൽ പുലർച്ചെ 5 :15 ന് ഹരിപ്പാട് വെച്ചായിരുന്നു അപകടം നടന്നത്. വാഹനത്തിൽ 20 പേർ ഉണ്ടായിരുന്നു. പരിക്കേറ്റവരെ ഹരിപ്പാട്, കായംകുളം താലൂക്ക് ആശുപത്രികളിലേക്കാണ് മാറ്റിയത്.

അപകടം നടന്നതിന്റെ കാരണം വ്യക്തമല്ല. പോലീസ് അന്വേഷണം ആരംഭിച്ചു. അപകടത്തെത്തുടർന്ന് ദേശീയ പാതയിൽ ഗതാഗതം തടസപ്പെട്ടിരിക്കുകയാണ്.