ഡൽഹി : എസ്.പി യതീഷ് ചന്ദ്രയ്‌ക്കെതിരെ ലോക്‌സഭയിൽ അവകാശ ലംഘന നോട്ടീസ്. കേന്ദ്ര മന്ത്രി പൊൻ രാധാകൃഷ്ണനാണ്‌ നോട്ടീസ് നൽകിയത്. നോട്ടീസ് പരിഗണിക്കാമെന്ന് സ്പീക്കർ സുമിത്ര മഹാജൻ മന്ത്രിക്ക് ഉറപ്പ് നൽകി. ശബരിമലയിൽ എത്തിയ തന്നോട് എസ്പി ദിക്കാരത്തോടെ പെരുമാറിയെന്നും അപമാനിച്ചുവെന്നും കേന്ദ്രമന്ത്രി നോട്ടീസിൽ പറഞ്ഞു.
ശബരിമല ദര്‍ശനത്തിനെത്തിയ കേന്ദ്രമന്ത്രി പൊന്‍ രാധാകൃഷ്ണന്‍ സ്വകാര്യവാഹനങ്ങള്‍ കടത്തിവിടണമെന്ന് ആവശ്യപ്പെട്ടപ്പോള്‍ ശബരിമലയില്‍ ഡ്യൂട്ടിയിലുള്ള എസ്പി യതീഷ് ചന്ദ്ര അത് അനുവദിച്ചിരുന്നില്ല. അപകടമുണ്ടായാല്‍ ഉത്തരവാദിത്വം ഏറ്റെടുക്കുമോ എന്നായിരുന്നു എസ് പി മന്ത്രിയോട് തിരിച്ച് ചോദിച്ചത്. ഇത് നിഷേധമാണെന്നും കേരളത്തിലെ മന്ത്രിമാരോട് ഇത്തരത്തില്‍ പെരുമാറുമോ എന്നും പിന്നീട് വാര്‍ത്താ സമ്മേളനത്തില്‍ പൊന്‍ രാധാകൃഷ്ണന്‍ പ്രതികരിച്ചിരുന്നു.
Post Your Comments