കൊച്ചി : മോഹന്‍ലാല്‍ ചിത്രം ഒടിയന്റെ പോസ്റ്റര്‍ കീറുന്ന വീഡിയോയിലൂടെ സമൂഹ മാധ്യമങ്ങളില്‍ നോട്ടപുള്ളിയായ യുവാവിനെ ഒടുവില്‍ ലാലേട്ടന്‍ ആരാധകര്‍ തന്നെ പൊക്കി. റോഡരികില്‍ പതിപ്പിച്ചിരുന്ന ഒടിയന്‍ സിനിമയുടെ ഒരു വലിയ പോസ്റ്റര്‍ യുവാവ് ആരും കാണാതെ വലിച്ച് പറിച്ചിടുന്നതായിരുന്നു വീഡിയോയില്‍.
കൂട്ടത്തിലുണ്ടായിരുന്നവര്‍ തന്നെയാണ് ഇത് വീഡിയോ എടുത്തതും. എന്നാല്‍ ദൃശ്യങ്ങള്‍ സമൂഹ മാധ്യമങ്ങളില്‍ വൈറലായതോടെ ഈ യുവാവിനെതിരെ മോഹന്‍ലാല്‍ ആരാധകരുടെ രോക്ഷം അണപൊട്ടിയൊഴുകി. ഏതു വിധേനയും ഇയാളെ കണ്ടെത്തി മാപ്പു പറയിക്കണമെന്ന് പലരും സമൂഹ മാധ്യമങ്ങളില്‍ അഭിപ്രായപ്പെട്ടു.
ദിവസങ്ങള്‍ക്കുള്ളില്‍ ഈ യുവാവിനെ കണ്ടു പിടിച്ച് പോസ്റ്റര്‍ പറിച്ച അതേ സ്ഥലത്ത് യുവാവിനെ കൊണ്ട് തനിച്ച് തിരിച്ച് പതിപ്പിച്ചിരിക്കുകയാണ് മോഹന്‍ലാല്‍ ഫാന്‍സ്്. ഇതിന്റെ വീഡിയോയും സമൂഹ മാധ്യമങ്ങളില്‍ വൈറലായിരിക്കുകയാണ്. സിനിമയുടെ പോസ്റ്റര്‍ കീറിയതിന് യുവാവ് ക്ഷമാപണം നടത്തുന്നതും വീഡിയോയുടെ തുടക്കത്തിലുണ്ട്.
‘പണ്ട് ഏട്ടന്‍ പറഞ്ഞപോലെ കടിച്ച പാമ്പിനെക്കൊണ്ട് തന്നെ വിഷം ഇറക്കുന്ന ഒരു പാരമ്പര്യമുണ്ട് ഞങ്ങള്‍ക്ക്..ഇനി അവന്‍ ഒരു പോസ്റ്ററും കീറില്ല…കീറിയ അതെ സ്ഥലത്ത്.. അവനെക്കൊണ്ട് തന്നെ വീണ്ടും പോസ്റ്റര്‍ ഒട്ടിപ്പിച്ചു ഏട്ടന്റെ അനിയന്മാര്‍, കയ്യടിക്കെടാ ‘എന്ന അടികുറിപ്പോടെയാണ് ലാലേട്ടന്‍ ആരാധകര്‍ ഈ വീഡിയോ സമൂഹ മാധ്യമങ്ങളില്‍ വൈറലാക്കിയിരിക്കുന്നത്.
Post Your Comments