മേരിലാന്‍ഡ്: അമേരിക്കയിലെ മേരിലാന്‍ഡ് പോലീസാണ് ഒരു മോഷ്ടാവിന്‍റെ തൊണ്ടിമുതല്‍ കടത്താനുളള വെപ്രാളവും പരവേശവും കലര്‍ന്ന സിസി റ്റിവി ദൃശ്യങ്ങള്‍ പുറത്ത് വിട്ടത്. ഒരു വീടിന്‍റെ കാര്‍ പോച്ചിലോ മറ്റോ വീട്ടുകാര്‍ വെച്ചിരുന്ന വലിപ്പമേറിയ ഒരു എല്‍സി ഡി ടിവി മോഷ്ടിക്കാന്‍ ശ്രമിക്കുന്നതാണ് സിസിറ്റിവിയിലുളളത്.
എടുത്താല്‍ പൊങ്ങാത്ത ടിവി മോഷ്ടാവ് പൊക്കിക്കൊണ്ട് കാറിന് സമീപത്തേക്ക് ഒാടുകയാണ്.ഒാടുന്ന വഴിയില്‍ പൊത്തോന്ന് താഴെ നിലത്തടിച്ച് വീഴുന്നുണ്ട്.ഒരു കണക്കിന് കാറിന് സമീപം ടിവിയുമായി എത്തിയ മോഷ്ടാവ് പിന്നെ തൊണ്ടിമുതല്‍ കാറിനകത്താക്കാനുളള ശ്രമങ്ങളാണ് പിന്നീട് അവിടെ നടക്കുന്നത്.
പിന്‍ ഡോറ് തുറന്ന് കയറ്റാന്‍ നോക്കി നോ രക്ഷ . വെപ്രാളം പൂണ്ട മോഷ്ടാവ് ഡിക്കി ലക്ഷ്യമാക്കി നീങ്ങി. ഡിക്കിയില്‍ തിരിച്ചും മറിച്ചും കേറ്റി നോക്കി. എവിടെ കേറാന്‍. പിടിക്കപ്പെടുമോ എന്ന പരവശത്തില്‍ മോഷ്ടാവ് എന്തു ചെയ്യണമെന്നറിയാതെ പതറി നില്‍ക്കുകയാണ്. അവസാന ശ്രമമെന്ന കണക്ക് ടിവിയുമായി പിന്‍ സീറ്റ് തുറന്ന് തിരുകി കയറ്റാന്‍ തുടങ്ങി. ഒരു കണക്കിന് ടിവി അകത്താക്കി.
പക്ഷേ ഒരു പ്രശ്നം ഡോറ് അടക്കാന്‍ പറ്റുന്നില്ല. അവസാനം രണ്ടും കല്‍പിച്ച് കക്ഷി തുറന്ന ഡോറും വെച്ച് സ്ഥലം കാലിയാക്കുന്ന രംഗമാണ് പിന്നീട് കാണാന്‍ കഴിയുന്നത്. ജനങ്ങള്‍ സ്വത്തുക്കള്‍ സൂക്ഷിക്കണം അശ്രദ്ധമായി കെെകാര്യം ചെയ്യരുത് എന്ന് ബോധ്യപ്പെടുത്തുന്നതിനായാണ് പോലീസ് ഈ വിഡിയോ ഷെയര്‍ ചെയ്തത്.
Post Your Comments