ലോകത്തില്‍ കൂടുതല്‍ ആളുകള്‍ ഇന്‍സ്റ്റാഗ്രാമിലൂടെ പിന്തുടരുന്ന ലോകനേതാക്കളുടെ പട്ടികയില്‍ യു .എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ഒന്‍പതാം സ്ഥാനത്ത്. ഇന്‍സ്റ്റാഗ്രാമിലൂടെ ദുബായ് ഭരണാധികാരിയെ പിന്തുടരുന്നത് 33 ലക്ഷം പേരാണ്. മുന്‍വര്‍ഷത്തെ അപേക്ഷിച്ച് അദ്ദേഹത്തെ പിന്തുടരുന്നവരുടെ എണ്ണം 23 ശതമാനം കൂടിയതായി ട്വിപ്ലോമസി പ്രസിദ്ധീകരിച്ച ആഗോള റിപ്പോര്‍ട്ടില്‍ പറയുന്നു.
ജോര്‍ദാനിലെ ക്വീന്റാണിയ കഴിഞ്ഞാല്‍ അറബ് മേഖലയില്‍ ഏറ്റവും കൂടുതല്‍ ആളുകള്‍ ഫോേളാ ചെയ്യുന്നതും ശൈഖ് മുഹമ്മദിനെയാണ്. സാമൂഹികമാധ്യമങ്ങളില്‍ സജീവമായ ദുബായ് ഭരണാധികാരി ഇന്‍സ്റ്റാഗ്രാം വഴി പങ്കുവെക്കുന്ന ചിത്രങ്ങള്‍ നിമിഷങ്ങള്‍ കൊണ്ടാണ് വൈറല്‍ ആകാറുള്ളത്.
ലോകനേതാക്കളില്‍ ഏറ്റവും കൂടുതല്‍ ഇന്‍സ്റ്റാഗ്രാം ഫോളോവേഴ്സ് ഉള്ളത് ഇന്ത്യന്‍ പ്രധാനമന്ത്രി നരേന്ദ്ര മോദിക്കാണ്. ഇന്‍ഡൊനീഷ്യന്‍ പ്രസിഡന്റ് ജോകോ വിഡോഡോ, യു .എസ്. പ്രസിഡന്റ് ഡൊണാള്‍ഡ് ട്രംപ്, ഫ്രാന്‍സിസ് മാര്‍പ്പാപ്പ തുടങ്ങിയര്‍ പട്ടികയില്‍ നരേന്ദ്ര മോദിക്ക് ശേഷം സ്ഥാനംപിടിച്ചിട്ടുണ്ട്.
Post Your Comments