ഡിസംബർ 25 ഉണ്ണി യേശുവിന്റ ജനനം ലോകത്തെമ്പാടുമുള്ള ക്രൈസ്തവ വിശ്വാസികള്‍ ആഘോഷിക്കുന്ന ദിനം. ലോകത്തിനു മുഴുവന്‍ നന്മയുടെ മുഴുവന്‍ പ്രകാശം പകര്‍ന്ന് കൊണ്ട് പുല്‍ത്തൊഴുത്തില്‍ പിറന്ന ഉണ്ണി യേശുവിന്റെ ജനനം അനുസ്മരിച്ച് ക്രിസ്തുമസ് നാളുകളില്‍ പുല്‍ക്കൂടൊരുക്കിയും നക്ഷത്രങ്ങള്‍ തൂക്കിയും സമ്മാനങ്ങള്‍ കൈമാറിയും ജനങ്ങൾ സ്നേഹത്തിന്റെയും നന്മയുടെ സന്ദേശങ്ങള്‍ കൈമാറുന്നു. ഉണ്ണി യേശുവിന്റെ ജനന മഹത്വം എടുത്ത് കാട്ടാന്‍ ക്രിസ്തുമസ് ദിനത്തിൽ സമാധാനത്തിന്റെയും നന്മയുടെയും സന്ദേശങ്ങൾ പകരുന്ന പാതിരാ കുര്‍ബാന അടക്കമുള്ള പ്രത്ഥനാ ശുശ്രൂക്ഷകള്‍ അന്ന് ദേവാലയങ്ങളിൽ നടക്കുന്നു. തിന്മകൾക്കെതിരെ പോരാടാൻ ദൈവപുത്രനായ യേശു ഭൂമിയിലേക്ക് പിറന്നു വീണ ദിനം. പ്രതീക്ഷകളുടെയും നന്മയുടെയും സന്തോഷത്തിന്റെയും ദിനമായി ഏവരും കണക്കാക്കുന്നു.
Post Your Comments