ട്രെയിനുകള്‍ തമ്മില്‍ കൂട്ടിയിടിച്ചു 4 മരണം; നിരവധി പേര്‍ക്ക് പരിക്ക്

അങ്കാര അതിവേഗ ട്രെയിന്‍ പാളത്തിലുണ്ടായിരുന്ന ലോക്കോമോട്ടിവ് ട്രെയിനില്‍ കൂട്ടിയിടിച്ച് വന്‍ അപകടം. തുര്‍ക്കിയിലെ അങ്കാരയില്‍ വ്യാഴാഴ്ച്ച രാവിലെയാണ് നാടിനെ ഞെട്ടിച്ച അപകടം നടന്നത്.അപകടത്തില്‍ 4 പേരുടെ മരണം സ്ഥിരീകരിച്ചിട്ടുണ്ട്. 43 പേര്‍ ഗുരുതര പരിക്കുകളോടെ ആശുപത്രിയില്‍ ചികിത്സയിലാണ്. അങ്കാരയില്‍ നിന്നും തുര്‍ക്കിയുടെ മധ്യ ഭാഗത്തായുള്ള കൊനിയയിലേക്ക് യാത്രക്കാരേയും വഹിച്ചു കൊണ്ടു പോയ അതിവേഗ ട്രെയിനാണ് അപകടത്തില്‍ പെട്ടത്. ട്രാക്ക് പരിശോധനയ്ക്കായി വന്ന ലോക്കോമോട്ടിവ് എഞ്ചിനുമായി ട്രെയിന്‍ കൂട്ടിയിടിക്കുകയായിരുന്നു. അപകടത്തെ തുടര്‍ന്ന് യാത്രക്കാര്‍ ഉള്‍പ്പെട്ടിരുന്ന രണ്ട് ബോഗികള്‍ ട്രെയിനില്‍ നിന്നും വേര്‍പിരിഞ്ഞ് പുറത്തേക്ക് തെറിച്ചു. ഇതാണ് വന്‍ അപകടത്തിന് ഇടയാക്കിയത്. ബോഗികള്‍ തെറിച്ചു വീണ് ട്രാക്കിനടുത്തുള്ള പാലത്തിനും കേടുപാടുകള്‍ സംഭവിച്ചിട്ടുണ്ട്.