ലണ്ടന്‍: ശബരിമല യുവതീപ്രവേശത്തിനെതിരായ പ്രക്ഷോഭത്തിന് ഐക്യദാര്‍ഢ്യം പ്രഖ്യാപിച്ച് ലണ്ടനില്‍ 15ന് സേവ് ശബരിമല മാര്‍ച്ച് നടത്തും. ശബരിമല പ്രക്ഷോഭത്തിലെ ആവശ്യങ്ങള്‍ ലോകത്തിനു മുന്നില്‍ അവതരിപ്പിക്കുകയാണ് മാര്‍ച്ചിന്റെ ലക്ഷ്യം. ഇതിന്റെ ഭാഗമായി സേവ് ശബരിമല യുകെ എന്ന പേരില്‍ ഫെയ്‌സ്ബുക് പേജും ആരംഭിച്ചിട്ടുണ്ട്.
വെസ്റ്റ് മിന്‍സ്റ്ററിലെ പാര്‍ലമെന്റ് സ്‌ക്വയറിനു മുന്നില്‍ ലിങ്കന്‍ പ്രതിമയ്ക്കു സമീപം ഫ്രണ്ട്‌സ് ഓഫ് ഇന്ത്യന്‍ സൊസൈറ്റി ഇന്റര്‍നാഷണലിന്റെ (എഫ്‌ഐഎസ്‌ഐ) നേതൃത്വത്തിലാണ് അയ്യപ്പഭക്തര്‍ ഒരുമിക്കുന്നത്. ശരണമന്ത്രങ്ങളുയര്‍ത്തിയായിരിക്കും മാര്‍ച്ച് സംഘടിപ്പിക്കുക.
Post Your Comments