ഗൗതം ഗംഭീർ വിരമിച്ചു

ന്യൂഡൽഹി: ഇന്ത്യൻ ക്രിക്കറ്റ് താരം ഗൗതം ഗംഭീർ വിരമിച്ചു. സമൂഹമാധ്യമത്തിലൂടെയാണ് ഗംഭീർ വിരമിക്കുന്ന കാര്യം ആരാധകരെ അറിയിച്ചത്. ഇന്ത്യയ്ക്കായി 58 ടെസ്റ്റും 147 ഏകദിനങ്ങളും കളിച്ചിട്ടുണ്ട്. 2016ൽ ഇംഗ്ലണ്ടിനെതിരെയായിരുന്നു ഗംഭീർ അവസാന രാജ്യാന്തര മൽസരം കളിച്ചത്.

പ്രയാസമേറിയ തീരുമാനമാണ് എടുക്കുന്നതെന്നും ആന്ധ്രയ്ക്കെതിരായ രഞ്ജി ട്രോഫി മൽസരമാണ് അവസാനമായി കളിക്കുന്നതെന്നും താരം വ്യക്തമാക്കി. ഫിറോസ് ഷാ കോട്‍ല സ്റ്റേഡിയത്തിൽ തുടങ്ങിയത് അവിടെവച്ചു തന്നെ അവസാനിക്കുന്നു. ഒരു ബാറ്റ്സ്മാനെന്ന നിലയില്‍ എല്ലായ്പ്പോഴും സമയത്തിന് പ്രാധാന്യം നൽകുന്നു. ഇതാണ് ശരിയായ സമയമെന്നും ഗംഭീർ വ്യക്തമാക്കി.