തിരുവനന്തപുരം: രാഷ്ട്രീയ തടവുകാരോട് കാണിക്കേണ്ട മാന്യത പോലും സുരേന്ദ്രനോട് സര്‍ക്കാര്‍ കാണിച്ചിട്ടില്ലെന്ന് ബിജെപി കേന്ദ്ര സംഘം. ചിത്തിര ആട്ട ഉത്സവത്തിനിടെ ശബരിമലയില്‍ സ്ത്രീയെ വധിക്കാന്‍ ശ്രമിച്ചുവെന്ന കേസില്‍ അറസ്റ്റിലായി റിമാന്‍ഡില്‍ കഴിയുന്ന ബിജെപി നേതാവ് കെ.സുരേന്ദ്രനെ പാര്‍ട്ടിയുടെ കേന്ദ്ര സംഘം ജയിലിലെത്തി കണ്ടതിന് ശേഷമാണ് സുരേന്ദ്രന്റെ അവസ്ഥ അവര്‍ വ്യക്തമാക്കിയത്.
ബിജെപി പ്രവര്‍ത്തകരോടും നേതാക്കാരോടും സര്‍ക്കാര്‍ കാണിക്കുന്നത് മനുഷ്യാവകാശ ലംഘനമാണെന്നും സുരേന്ദ്രനെ കള്ളക്കേസില്‍ കുടുക്കി ജയിലിലിട്ടത് ഗുഢാലോചനയുടെ ഭാഗമാണെന്നും പ്രഹളാത് ജോഷി ആരോപിച്ചു. ബിജെപി കേന്ദ്ര നിരീക്ഷകരായ സരോജ് പാണ്ഡെ എംപി, പ്രഹളാത് ജോഷി എംപി തുടങ്ങിയവരുടെ നേതൃത്വത്തിലാണ് സംഘം എത്തിയത്.
Post Your Comments