ടെസ്റ്റ് പരമ്പര ആരംഭിക്കാനിരിക്കെ ഇന്ത്യന്‍ നായകൻ കൊഹ്‌ലിയെ പ്രകോപിപ്പിക്കരുതെന്ന് ബൗളര്‍മാരോട് ആവശ്യപ്പെട്ട് ഓസീസ് ക്യാപ്റ്റന്‍ ടിം പെയ്ന്‍. കൊഹ്‌ലിയെ പ്രതിരോധത്തിലാക്കാനുള്ള ബൗളിംഗ് മികവ് ഓസീസിനുണ്ട്. തങ്ങളുടെ കഴിവിനനുസരിച്ചുള്ള പ്രകടനം പുറത്തെടുത്താല്‍ തന്നെ ഓസീസ് ബൗളര്‍മാര്‍ക്ക് കൊഹ്‌ലിയെ പ്രതിരോധത്തിലാക്കാനാവും. പ്രകോപിതരായി പെരുമാറിയാല്‍ ആസൂത്രണം ചെയ്ത പദ്ധതികള്‍ നമുക്ക് ചിലപ്പോള്‍ നടപ്പാക്കാനാകില്ല. നമുക്കെതിരെ ശക്തമായ ആക്രമണം നടത്തുന്ന ചില സമയങ്ങളുണ്ടാകുമെന്നുറപ്പ്. ആ സമയത്തും സംയമനം കൈവിടരുതെന്നും കൊഹ്‌ലിക്കെതിരെ പറയേണ്ട കാര്യങ്ങള്‍ പറയാതിരിക്കില്ലെന്നും പെയ്ന്‍ പറഞ്ഞു.
Post Your Comments