പാങ്ങോട്: ക്ഷേത്രത്തിലേക്ക് പോകുകയായിരുന്ന വൃദ്ധയെ വനത്തിലേക്ക് ബലമായി പിടിച്ചുകൊണ്ടു പോയി മർദ്ദിച്ച് അവശയാക്കി സ്വർണമാല കവർന്ന സംഭവത്തിലെ പ്രതിയെന്ന് സംശയിക്കുന്നയാളിന്റെ സിസിടിവി ദൃശ്യങ്ങൾ പുറത്ത്. 28ന് രാവിലെ ഒൻപതിന് ഭരതന്നൂർ മൈലമൂടിനു സമീപം വനത്തിലാണ് സംഭവം നടന്നത്. ക്ഷേത്രത്തിലേക്ക് പോകുമ്പോൾ വഴിയിൽ നിൽക്കുകയായിരുന്ന യുവാവ് വൃദ്ധയെ വായ പൊത്തിപ്പിടിച്ചു കാട്ടിനുള്ളിലേക്ക് വലിച്ചു കൊണ്ടു പോയി ഒരു പവന്റെ സ്വർണ്ണമാല പൊട്ടിച്ചെടുക്കുകയായിരുന്നു. കുറച്ചു ദിവസം മുൻപ് ഭരതന്നൂരിൽ ആനക്കാർക്കൊപ്പം ഉണ്ടായിരുന്ന ഇയാൾ ആനയെ മർദ്ദിച്ചതുമായി ബന്ധപ്പെട്ട പ്രശ്നത്തെത്തുടർന്ന് അവിടെ നിന്നും രക്ഷപ്പെട്ടു. അതിനു ശേഷമാണ് വൃദ്ധയെ ആക്രമിച്ചതെന്നാണ് സംശയം. പോലീസ് അന്വേഷണം ആരംഭിച്ചു.
Post Your Comments