മുംബെെയ് : ജനല്‍പാളികള്‍ സംബന്ധിയായ പണിക്കിടെ 2 തൊഴിലാളികള്‍ ഫ്ലാറ്റിന്‍റെ എട്ടാം നിലയില്‍ നിന്ന് വീണ് മരിച്ചു. ദുരന്ത നിയന്ത്രണ ഉദ്യോഗസ്ഥനാണ് മരണ വിവരം സ്ഥിരീകരിച്ചത്. മുംബെെയിലെ ഗോവന്ദി സുബര്‍ബ് എന്ന സ്ഥലത്ത് ശബരി പാര്‍ക്ക് ബില്‍ഡിങ്ങിന്‍റെ നിര്‍മ്മാണ ജോലിക്കിടെയാണ് അപകടം സംഭവിച്ചത്. നിയന്ത്രണം നഷ്ടപ്പെട്ട് 80 അടി ഉയരത്തില്‍ നിന്ന് വീഴുകയായിരുന്നുവെന്ന് ബ്രിഹാന്‍ മുംബെെയ് മുനിസിപ്പല്‍ കോര്‍പ്പറേഷന്‍ ഉദ്യോഗസ്ഥര്‍ അറിയിച്ചു.
അപകടത്തില്‍പ്പെട്ടവരെ ശതാബ്ദി ആശുപത്രിയില്‍ എത്തിച്ചെങ്കിലും രക്ഷിക്കാന്‍ സാധിച്ചില്ല. തൊഴിലാളികളുടെ രക്ഷക്കായുളള രക്ഷാ ബെല്‍റ്റുകള്‍ , കെട്ടിടത്തിന് താഴെ സജ്ജീകരിക്കുന്ന വല എന്നീ സൗകര്യങ്ങള്‍ തൊഴിലിടത്ത് ഒരുക്കിയിരുന്ന എന്ന കാര്യത്തില്‍ വ്യക്തത ലഭിച്ചിട്ടില്ല.
Post Your Comments