ഉദാന്ത സിങ് രക്ഷകനായെത്തി : ജയവുമായി മടങ്ങി ബെംഗളൂരു എഫ് സി

ബെംഗളൂരു : തകർപ്പൻ ജയവുമായി മുന്നേറി ബെംഗളൂരു എഫ് സി. ഏകപക്ഷീയമായ ഒരു ഗോളിനാണ് ഡൽഹി ഡയനാമോസിനെ തോൽപ്പിച്ചത്. ഒപ്പത്തിനൊപ്പം നിന്ന മത്സരമാണ് കളിക്കളത്തിൽ കാണാനായത്. ഒടുവിൽ മത്സരം അവസാനിക്കാൻ മൂന്നു മിനുട്ട് മാത്രം ശേഷിക്കെ 87മിനുട്ടിൽ ഉദാന്ത സിങിലൂടെ വിജയ ഗോൾ ബെംഗളൂരു നേടുകയായിരുന്നു.

ഈ ജയത്തോടെ 7 മത്സരങ്ങളില്‍ നിന്നായി 19 പോയിന്റ് നേടി ബെംഗളൂരു പട്ടികയിൽ ഒന്നാമതെത്തി.16 പോയിന്റുള്ള എഫ്‌സി ഗോവ ആണ് രണ്ടാം സ്ഥാനക്കാരൻ. ഇന്ന് പരാജയം ഏറ്റുവാങ്ങിയ ഡൽഹി പട്ടികയിലെ അവസാന സ്ഥാനക്കാരനാണ്.