കോഴിക്കോട്: ശബരിമലയില്‍ നിലനില്‍ക്കുന്ന പ്രതിഷേധം യഥാര്‍ത്ഥത്തില്‍ എന്തിനാണെന്ന് വ്യക്തമാക്കി ആര്‍.എസ്.എസ്. ആര്‍.എസ്.എസ് പ്രാന്ത കാര്യവാഹക് വി.ഗോപാലന്‍ കുട്ടിയാണ് ആര്‍എസ്എസിന്‍റെ നിലപാട് തുറന്ന് പറഞ്ഞതായി റിപ്പോര്‍ട്ടുകള്‍ കാണിക്കുന്നത്. ശബരിമലയില്‍ നടക്കുന്ന പ്രതിഷേധ സ്വരം യഥാര്‍ത്ഥത്തില്‍ യുവതീ പ്രവേശനത്തിനെതിരല്ല എന്നാണ് പ്രാന്ത കാര്യവാഹക് പറയുന്നത്. ശബരിമലയെ തകര്‍ക്കാനുള്ള നിരീശ്വര വാദികളുടെയും കമ്മ്യൂണിസ്റ്റ് പാര്‍ട്ടിക്കാരുടെയും ശ്രമങ്ങള്‍ക്കെതിരെയാണ് അവര്‍ ശബ്ദമുയര്‍ത്തുന്നതെന്നാണ് വി.ഗോപാലന്‍ കുട്ടി വ്യക്തമാക്കിയതായി റിപ്പോര്‍ട്ടുകള്‍ ചൂണ്ടിക്കാണിക്കുന്നത്.
കോടതി വിധി നടപ്പിലാക്കാന്‍ ധൃതി കാണിക്കുന്നതിന് മുന്‍പ് തന്ത്രിയെയും രാജകുടുംബത്തെയും കണ്ട് ആലോചനകള്‍ നടത്തേണ്ടതായിരുന്നെന്നും വിഷയത്തില്‍ അവരുടെ അഭിപ്രായം ചോദിച്ചറിയേണ്ടതായിരുന്നെന്നും അദ്ദേഹം പറയുന്നു. ബി.ജെ.പി സംസ്ഥാന അധ്യക്ഷന്‍ പി.എസ്.ശ്രീധരന്‍ പിളളയും സമാനമായ അഭിപ്രായമാണ് പ്രകടിപ്പിച്ചിരുന്നത്. പിന്നീട് അദ്ദേഹം അതില്‍ നിന്ന് പിന്‍വലിഞ്ഞു
Post Your Comments