കൊല്ലം: കൊട്ടാരക്കരയില്‍ എന്‍എസ്എസ് കരയോഗ മന്ദിരത്തിന് നേരേ ആക്രമണം. കരയോഗ മന്ദിരത്തിന് മുന്നിലെ കൊടിമരം അക്രമികള്‍ നശിപ്പിച്ചു. ഇരണൂര്‍ കരയോഗമന്ദിരത്തിന് നേരെയാണ് ആക്രമണം നടന്നത്. സംഭവത്തില്‍ പോലീസ് അന്വേഷണം ആരംഭിച്ചു.
അതേസമയം നേരത്തെ ചേര്‍ത്തല പള്ളിപ്പുറത്ത് എന്‍എസ്എസ് കരയോഗമന്ദിരം അക്രമികള്‍ അടിച്ചുതകര്‍ത്തിരുന്നു. പുലര്‍ച്ചെയാണ് ആക്രമണമുണ്ടായത്. ശബരിമല യുവതീ പ്രവേശന വിഷയത്തില്‍ നാമജപയജ്ഞമടക്കമുള്ള പ്രതിഷേധ പരിപാടികളുമായി എന്‍എസ്എസ് മുന്നോട്ട് പോകുന്നതിനിടെ കരയോഗ മന്ദിരങ്ങള്‍ക്ക് നേരെയുള്ള ആക്രമണം തുടരുകയാണ്.
Post Your Comments