പശുവിനെക്കണ്ട് ബ്രേക്കിട്ടു; കാര്‍ മറിഞ്ഞത് വീടിന് മുകളിലേക്ക്

അഡൂര്‍: പശുവിനെ കണ്ട് ബ്രേക്ക് ചവിട്ടുന്നതിനിടെ നിയന്ത്രണം വിട്ട കാര്‍ മറിഞ്ഞ് രണ്ട് പേര്‍ക്ക് പരുക്കേറ്റു. ആദൂര്‍ പള്ളത്തെ ഇബ്രാഹിം (32), ഭാര്യാ സഹോദരന്‍ കൊറ്റുമ്പയിലെ മുഹമ്മദ് അഷ്റഫ്(30) എന്നിവര്‍ക്കാണ് പരിക്കേറ്റത്. കഴിഞ്ഞ ദിവസം വൈകിട്ട് 5.45 ന് അഡൂര്‍-പാണ്ടി റോഡിലെ പള്ളത്തുമൂലയിലാണ് അപകടം. റോഡ് മുറിച്ചുകടക്കുകയായിരുന്ന പശുവിനെ കണ്ട് ബ്രേക്ക് അമര്‍ത്തിയപ്പോഴാണ് അപകടം നടന്നത്.

താഴെയുള്ള വീടിന്റെ സിറ്റൗട്ടും ചവിട്ടുപടിയും കാര്‍ വീണു തകര്‍ന്നു. 100 അടിയോളം താഴ്ചയിലേക്കു മറിഞ്ഞ കാര്‍ വീണത് പള്ളത്തുമൂലയിലെ പുരുഷോത്തമന്റെ വീടിന്റെ അടുക്കള ഭാഗത്തേക്കാണ്. വീട്ടില്‍ ആളില്ലാത്തതിനാല്‍ വന്‍ ദുരന്തം ഒഴിവായി.