ചെങ്ങന്നൂര്‍: ശബരിമല ദർശനത്തിനായി എത്തിയ ആക്ടിവിസ്റ്റ് മേരി സ്വീറ്റിയെ ചെങ്ങന്നൂരിൽ ഭക്തർ തടഞ്ഞു. ഇന്നലെ വൈകിട്ട് ശബരിമല സന്ദർശനത്തിനായി തിരുവന്തപുരത്തു നിന്നും ട്രെയിന്‍ മാര്‍ഗം ചെങ്ങന്നൂരില്‍ എത്തിയ ഇവർ പമ്പ ബസിലേക്ക് കയറുന്നതിനിടെ ഇവരെ തിരിച്ചറിഞ്ഞ ഭക്തര്‍ പ്രതിഷേധവുമായി അടുത്തെത്തുകയായിരുന്നു.
ഭക്തർ പ്രതിഷേധവുമായി ബസിനുചുറ്റും തടച്ചുകൂടിയതോടെ നിരവധി ആളുകൾ സംഭവസ്ഥലത്തേക്ക് ഒഴുകിയെത്തി. തുടർന്ന് പോലീസ് എത്തിയെങ്കിലും പ്രതിഷേധം തടയാൻ കഴിഞ്ഞില്ല. ആദ്യ ഘട്ടത്തില്‍ ശബരിമലയില്‍ പേകണമെന്ന് ഉറച്ച്‌ ബസില്‍ നിന്നും ഇറങ്ങാതിരുന്ന ഇവരെ പിന്നീട് പോലീസിന്റെ നേതൃത്വത്തില്‍ ഏറെനേരം നടത്തിയ ചര്‍ച്ചയ്ക്ക് ശേഷമാണ് ബസില്‍ നിന്ന് ഇറക്കിയത്.
തുടര്‍ന്ന് നടന്ന ചര്‍ച്ചയില്‍ ഇവര്‍ തിരികെ പോകാമെന്ന് സമ്മതിക്കുകയായിരുന്നു. തിരുവന്തപുരത്തേക്ക് പോകുന്ന സൂപ്പര്‍ഫാസ്റ്റ് ബസില്‍ കനത്ത സംരക്ഷണയോടെയാണ് ഇവരെ കയറ്റിവിട്ടത്.
Post Your Comments