തിരുവനന്തപുരം•ശബരിമലയിലെ സുപ്രീംകോടതി വിധി നടപ്പാക്കുന്നതിന് സാവകാശം തേടി ദേവസ്വം ബോര്‍ഡ് തിങ്കളാഴ്ച സുപ്രീംകോടതിയില്‍ ഹര്‍ജി നല്‍കിയേക്കും.
കഴിഞ്ഞ ദിവസം പമ്പയില്‍ നടന്ന ദേവസ്വം ബോര്‍ഡ് യോഗത്തിലാണ് സാവകാശ ഹര്‍ജി നല്‍കാന്‍ തീരുമാനിച്ചത്. ഹര്‍ജി ഫയല്‍ ചെയ്യുന്നതിനു മുന്നോടിയായി ദേവസ്വം ബോര്‍ഡ് പ്രസിഡന്‍റ് മുഖ്യമന്ത്രിയുമായി കൂടിക്കാഴ്ച നടത്തുകയും ചെയ്തിരുന്നു.
ഹര്‍ജി നല്‍കുന്നതിന്റെ ഒരുക്കങ്ങള്‍ പൂര്‍ത്തിയായി കഴിഞ്ഞതായി ദേവസ്വം ബോര്‍ഡ് പ്രസിഡന്‍റ് അറിയിച്ചു.
പ്രളയത്തെ തുടര്‍ന്ന് പമ്പയിലുണ്ടായ നാശം, കൂടുതല്‍ ആളുകള്‍ക്കായി ചുരുങ്ങിയ സമയത്തിനുള്ളില്‍ അടിസ്ഥാന സൗകര്യമൊരുക്കാനുള്ള പ്രയാസങ്ങള്‍, യുവതികള്‍ വന്നാല്‍ പ്രത്യേക സൗകര്യങ്ങളൊരുക്കുന്നതിനുള്ള പ്രായോഗിക ബുദ്ധിമുട്ടുകള്‍ എന്നീ കാരണങ്ങളാകും ദേവസ്വം ബോര്‍ഡ് ഹര്‍ജിയില്‍ നിരത്തുക എന്നാണ് സൂചന.
https://youtu.be/9SIR7TSRlxA
Post Your Comments