ദുബായ് : ലോകത്തിലെ വെച്ച് ഏറ്റവും വലിയ വാണിജ്യ കായിക മാള്‍ ദുബായില്‍ പടുത്തുയര്‍ത്തപ്പെടും. 2020 ഒാടു കൂടി നിര്‍മ്മാണം പൂര്‍ത്തിയാക്കി മാള്‍ ലോകത്തിനായി തുറന്ന് നല്‍കുമെന്ന് മാള്‍ നിര്‍മ്മാണ ചുമതലയുളള വിവ സിറ്റി അറിയിച്ചു . യു.എ.ഇയുടെ പ്രശസ്തിയും നേട്ടങ്ങളും ഉയർത്തിപ്പിടിക്കുകയും ആഗോളതലത്തിൽ ടൂറിസ്റ്റുകളുടെ അഭിവൃദ്ധിയുണ്ടാക്കുകയും ചെയ്യുന്ന ആഗോള നിർമാണ ചിഹ്നമായിട്ടാണ് പുതിയ സംരംഭം രൂപകൽപ്പന ചെയ്തിരിക്കുന്നതെന്ന് വിവാ സിറ്റി പറഞ്ഞു.
3 നിലകളിലായി നിര്‍മ്മിക്കപ്പെടുന്ന മാളിന് 12 ഫുട്ബോള്‍ മെെതാനങ്ങള്‍ ചേരുന്ന വിസ്തൃതി ആയിരിക്കും ഉണ്ടാകുക. ദുബായ് കിരീടാവകാശിയായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തുമാണ് ഈ സ്പോര്‍ട്സ് സൊസെെറ്റി പ്രോജക്ട് എക്സിക്യൂട്ടീവ് കൗൺസിലിന്റെ ചെയർമാന്‍. ഷോപ്പിങ്ങിനും വിനോദത്തിനും കായിക ആവശ്യങ്ങള്‍ക്കുമായി വ്യത്യസ്ത രുചിക്കൂട്ടുകളാകും മാളില്‍ ഒരുക്കാന്‍ പോകുന്നത് . മാളില്‍ ലഭ്യമായ ഏറ്റവും വലിയ എല്‍ഇഡി ഡിസ് പ്ലേ സൗകര്യവും തയ്യാറാക്കുന്നുണ്ട്.
Post Your Comments