സാംസങ് ഗാലക്സി എ9 നവംബര്‍ 20ന് ഇന്ത്യയില്‍ അവതരിപ്പിക്കും. നാല് റിയര്‍ ക്യാമറകളുള്ള ഫോണിന് 39,000 രൂപയാണ് വില. ബ്ലാക്ക്, പിങ്ക്, ബ്ലു എന്നിങ്ങനെ മൂന്ന് കളര്‍ വേരിയന്റുകളിൽ അവതരിപ്പിക്കുന്ന ഫോൺ ആമസോണ്‍ ഇന്ത്യയിലും ഫ്‌ളിപ്കാര്‍ട്ടിലും ലഭ്യമാകും. 24 എംപി പ്രൈമറി സെന്‍സര്‍, 10 എംപി ടെലിഫോട്ടോ ലെന്‍സ്, 8 എംപി സെന്‍സര്‍, 5 എംപി സെന്‍സര്‍, 24 എംപി ഫ്രണ്ട് ക്യാമറ എന്നിങ്ങനെയാണ് ക്യാമറയുടെ പ്രത്യേകതകൾ.
3,800 എംഎഎച്ചാണ് ബാറ്ററി. 6 ജിബി റാം 128 ജിബി സ്റ്റോറേജ്, 8 ജിബി റാം 128 ജിബി സ്റ്റോറേജ് എന്നിങ്ങനെ രണ്ട് സ്റ്റോറേജ് വാരിയന്റുകളാണ് ഫോണിനുള്ളത്. ക്വാല്‍കോം സ്‌നാപ്ഡ്രാഗണ്‍ 660 പ്രൊസസറില്‍ പ്രവര്‍ത്തിക്കുന്ന ഫോണ്‍ ആന്‍ഡ്രോയിഡ് ഓറിയോ 8.1ലാണ് പ്രവര്‍ത്തിക്കുന്നത്. 18:5:9 ആസ്‌പെക്‌ട് റേഷ്യോ, 2220×1080 പിക്‌സലില്‍ 6.3 ഇഞ്ച് ഫുള്‍ എച്ച്‌ഡി ഡിസ്‌പ്ലേ എന്നിവയാണ് ഫോണിന്റെ മറ്റ് പ്രത്യേകതകൾ.
Post Your Comments