കോഴിക്കോട്: കഞ്ചാവ് മൊത്ത വിൽപ്പനക്കാരൻ എക്സൈസ് സംഘത്തിന്റെ പിടിയില്‍.
പരപ്പന്‍പൊയില്‍ കതിരോട് കൈപ്പുറായില്‍ സജീഷ് കുമാര്‍ (30) ആണ് പിടിയിലായത്. കോഴിക്കോട് എക്സൈസ് ഡെപ്യൂ. കമ്മീഷ്ണര്‍ക്ക് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് കഞ്ചാവ് പിടികൂടിയത്. ഇയാളിൽ നിന്ന് രണ്ടേ കാല്‍ കിലോ കഞ്ചാവ് പിടിച്ചെടുത്തു.
താമരശ്ശേരി, കൊടുവള്ളി മേഖലകളില്‍ വിദ്യാര്‍ത്ഥികള്‍ ഉള്‍പ്പെടെയുള്ളവര്‍ക്കാണ് ഇയാള്‍ കഞ്ചാവ് വിതരണം ചെയ്യുന്നതെന്ന് എക്സൈസ് പറഞ്ഞു. തമിഴ്‌നാട്ടില്‍ നിന്നും നേരിട്ട് കഞ്ചാവ് എത്തിച്ചാണ് ചില്ലറ വില്‍പ്പനക്കാര്‍ക്ക് വിതരണം ചെയ്യുന്നത്. കൊടുവള്ളിയിലെ വില്‍പ്പനക്കാരന് കൈമാറാനുള്ള കഞ്ചാവുമായി പോകുമ്പോഴാണ് എക്‌സൈസിന്റെ പിടിയിലായത്.
എക്സൈസ് റെയ്ഞ്ച് ഇന്‍സ്‌പെക്ടര്‍ പി പി വേണുവിന്‍റെ നേതൃത്വത്തിലുള്ള സംഘമാണ് കഞ്ചാവ് പിടികൂടിയത്. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍റ് ചെയ്തു.
Post Your Comments