വിവാഹിതയും മൂന്ന് കുട്ടികളുടെ അമ്മയുമായ യുവതിയെ വെട്ടിപ്പരിക്കേൽപ്പിച്ച് യുവാവ് ജീവനൊടുക്കി; സംഭവത്തിൽ പുറത്തുവരുന്നത് ഞെട്ടിപ്പിക്കുന്ന വിവരങ്ങൾ

പ​ത്ത​നാ​പു​രം: മൂ​ന്ന് കു​ട്ടി​ക​ളു​ടെ മാ​താ​വായ യു​വ​തി​യെ വെ​ട്ടി പ​രി​ക്കേൽപ്പിച്ച ശേഷം യുവാവ് ആത്മഹത്യ ചെയ്‌ത സംഭവത്തിൽ പുറത്തുവരുന്നത് ഞെട്ടിപ്പിക്കുന്ന വിവരങ്ങൾ. ആ​വ​ണീ​ശ്വ​രം പ്ലാ​മൂ​ട് ക​ല്ലൂ​ർ​കോ​ണം മു​ക​ളു​വി​ള​വീ​ട്ടി​ൽ പൗ​ലോ​സ് – സി​സി​ലി ദ​മ്പ​തി​ക​ളു​ടെ മ​ക​ൻ ര​തീ​ഷ് (33) ആ​ണ് ട്രെ​യി​ന് മു​ന്നി​ൽ ചാ​ടി ജീവനൊടുക്കിയത്. ത​ല​വൂ​ർ കു​ര ഓ​വ​ർ​ബ്രി​ജി​ന് സ​മീ​പം ഇ​ന്ന​ലെ വൈ​കു​ന്നേ​രം 4.15 നാ​യി​രു​ന്നു സം​ഭ​വം.

വി​വാ​ഹി​ത​യാ​യ ഒ​രു യു​വ​തി​യു​മാ​യി രതീഷ് പ്രണയത്തിലായിരുന്നു. കു​റെ നാ​ൾ മു​ൻ​പ് നാ​ടു​വി​ട്ട് മൂ​ന്ന് മാ​സ​ത്തോ​ളം ഇ​വ​ർ ഒ​ന്നി​ച്ച് താ​മ​സി​ച്ചി​രു​ന്ന​തായാണ് റിപ്പോർട്ട്. പി​ന്നി​ട് ര​തീ​ഷി​നെ ഉപേക്ഷിച്ച് ഭർത്താവിനും കുട്ടികൾക്കുമൊപ്പം ഇവർ താമസമാക്കി. ഇ​ന്ന​ലെ വൈ​കു​ന്നേ​രം നാ​ലോ​ടെ കു​ട്ടി​ക​ളെ സ്കൂ​ളി​ൽ നി​ന്നും വി​ളി​ക്കാ​നാ​യി യു​വ​തി സ്കൂ​ട്ട​റി​ൽ പോ​കു​മ്പോ​ൾ വഴിയിൽ കാത്തുനിന്ന രതീഷ് നിനക്കെന്നെ ആവശ്യമില്ലേയെന്നും ഫോ​ൺ വി​ളി​ച്ചാ​ൽ എ​ടു​ക്കി​ല്ലേ എ​ന്നും ചോ​ദി​ച്ച് കത്തികൊണ്ട് യുവതിയെ വെട്ടുകയായിരുന്നു. റോ​ഡി​ൽ വീ​ണു​പോ​യ യു​വ​തി​യെ സ​മീ​പ​വാ​സി​ക​ൾ എ​ത്തി കു​ന്നി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചു. അപ്പോഴേക്കും ര​തീ​ഷ് കു​ര​യി​ലെ​ത്തി ഓ​ടി​കൊ​ണ്ടി​രു​ന്ന ട്രെ​യി​നി​ന് മു​ൻ​പി​ൽ ചാ​ടി ആ​ത്മ​ഹ​ത്യ ചെ​യ്യു​ക​യാ​യി​രു​ന്നു.