ന്യൂഡല്‍ഹി: മൂങ്ങയെക്കൊന്ന് ദുര്‍മന്ത്രവാദം നടത്തി സ്ത്രീകളെ ആകര്‍ഷിച്ചിരുന്ന ട്രക്ക് ഡ്രൈവർ അറസ്റ്റിൽ. ഡല്‍ഹിയിലെ സുല്‍ത്താന്‍പുരിയിലാണ് സംഭവം. ട്രക്ക് ഡ്രൈവറായ കനയ്യ എന്നയാളാണ് അറസ്റ്റിലായത്. യൂടൂബ് വീഡിയോ കണ്ടാണ് താന്‍ മൂങ്ങയെ ബലി നല്‍കിയതെന്നാണ് ഇയാള്‍ പോലീസിനെ അറിയിച്ചത്. തനിക്ക് ഒരു പെണ്‍കുട്ടിയെ ഇഷ്ടമാണെന്നും അവളെ തന്നിലേക്ക് ആകര്‍ഷിക്കാന്‍ വേണ്ടിയാണ് ഇങ്ങനെ ചെയ്തതെന്നാണ് പ്രതി വെളിപ്പെടുത്തിയത്. വിവാഹിതനും മൂന്നു കുട്ടികളുടെ പിതാവുമാണ് ഇയാള്‍. മൃഗസംരക്ഷണ വകുപ്പിന്റെ സാന്നിധ്യത്തില്‍ പോലീസ് നടത്തിയ റെയ്ഡില്‍ കനയ്യയുടെ വീട്ടില്‍ നിന്നും മൂങ്ങയുടെ അവശിഷ്ടങ്ങള്‍ കണ്ടെടുത്തിട്ടുണ്ട്. ഇയാൾക്കെതിരെ വിവിധ വകുപ്പുകൾ ചുമത്തി അറസ്റ്റ് ചെയ്തു.
Post Your Comments