കേന്ദ്രമന്ത്രി അനന്ത്കുമാര്‍ ഹെഗ്‌ഡെ അന്തരിച്ചു

ബംഗളൂരു: കേന്ദ്രമന്ത്രി അനന്ത് കുമാര്‍ (59) അന്തരിച്ചു. അര്‍ബുദ ബാധയേത്തുടര്‍ന്ന് സ്വകാര്യ ആശുപത്രിയില്‍ ചികിത്സയിലായിരുന്നു അനന്ത് കുമാര്‍. ബംഗളൂരുവില്‍ പുലര്‍ച്ചെ 2.30നായിരുന്നു അന്ത്യം. ആറ് തവണ പാര്‍ലമെന്റംഗമായ അനന്ത് കുമാര്‍ വാജ്‌പേയ് സര്‍ക്കാരില്‍ വ്യോമയാന മന്ത്രിയുമായിരുന്നു. കര്‍ണാടക ബിജെപി സംസ്ഥാന അധ്യക്ഷ പദവിയും അനന്ത് കുമാര്‍ വഹിച്ചിട്ടുണ്ട്. പാര്‍ലമെന്ററികാര്യ മന്ത്രിയായിരുന്ന അദ്ദേഹം രാസവള വകുപ്പും കൈകാര്യം ചെയ്തിട്ടുണ്ട്.

വാജ്‌പേയ് ബിജെപി സര്‍ക്കാരിന് കീഴില്‍ വ്യോമയാന മന്ത്രിയായും പ്രവര്‍ത്തിച്ചിട്ടുണ്ട്. ബംഗളൂരു സൗത്തില്‍ നിന്ന് ആറ് തവണ പാര്‍ലമെന്റ് അംഗമായി തെരഞ്ഞെടുക്കപ്പെട്ട് അനന്ത് കുമാര്‍ ബിജെപി കര്‍ണാടക സംസ്ഥാന അധ്യക്ഷ പദവിയും വഹിച്ചിട്ടുണ്ട്.  ലണ്ടന്‍, ന്യൂയോര്‍ക്ക് എന്നിവിടങ്ങളിലെ ചികിത്സയെ തുടര്‍ന്ന് കഴിഞ്ഞ മാസം 20നാണ് അനന്ത് കുമാര്‍ ബാംഗ്ലൂരില്‍ തിരിച്ചെത്തിയത്.

https://youtu.be/04ezx6LEWng