ഓ​ട്ടോ ഡ്രൈ​വ​ര്‍​മാ​രു​ടെ മർദനം; പോലീസുകാര്‍ ആശുപത്രിയില്‍

പാ​ല​ക്കാ​ട്: ഓ​ട്ടോ ഡ്രൈ​വ​ര്‍​മാ​രു​ടെ മ​ര്‍​ദ​ന​മേ​റ്റ് മൂ​ന്നു പോ​ലീ​സു​കാ​ര്‍ ആശുപത്രിയിൽ. ക​ല്ലേ​ക്കാ​ട് എആ​ര്‍ ക്യാമ്പിലെ ശ​ര​ണ്‍ (31), ക്യാമ്പ് ഫോ​ളോ​വ​ര്‍ അ​മീ​ര്‍ (33), ക​ണ്ണൂ​ര്‍ എ​ആ​ര്‍ ക്യമ്പി​ലെ അ​ഭി​ജി​ത്ത് (29) എ​ന്നി​വരാണ് ചികിത്സയിലുള്ളത്. പു​ല​ര്‍​ച്ചെ ഒ​ന്നോടെ ഒ​ല​വ​ക്കോ​ട് ജം​ഗ്ഷ​ന്‍ റെ​യി​ല്‍​വേ സ്റ്റേ​ഷ​നു സ​മീ​പ​മായിരുന്നു സം​ഭ​വം. ഇതു​മാ​യി ബ​ന്ധ​പ്പെ​ട്ട് മൂ​ന്ന് ഓ​ട്ടോ ഡ്രൈ​വ​ര്‍​മാ​രെ അറസ്റ്റ് ചെയ്‌തു.

നിലമ്പൂരിൽ നിന്ന് നി​ന്നു ഫു​ട്ബോ​ള്‍ പ​രി​ശീ​ല​നം കഴിഞ്ഞെത്തിയ പോ​ലീ​സു​കാരെയാണ് ഓ​ട്ടോ​ക്കാ​ര്‍ മർദിച്ചത്. കെഎസ്‌ആ​ര്‍​ടി​സി സ്റ്റാ​ന്‍​ഡി​ലേ​ക്ക് പോ​കാ​നാ​യി ഓ​ട്ടോ​ക്കാ​ര്‍ അ​മി​ത വാ​ട​ക ചോ​ദി​ച്ച​പ്പോ​ള്‍ സ്വ​കാ​ര്യ വാ​ഹ​ന​ത്തി​ല്‍ പോകാനായി പോലീസുകാർ തീരുമാനിച്ചതിനെ തുടർന്നായിരുന്നു മർദനം. വി​വ​ര​മ​റി​ഞ്ഞെ​ത്തി​യ ക​ണ്‍​ട്രോ​ള്‍ റൂം ​പോ​ലീ​സി​ലെ ര​ണ്ടു​പേ​രെയും ഓട്ടോക്കാർ മർദിക്കാൻ ശ്രമിച്ചു. ഇ​തോ​ടെ കൂ​ടു​ത​ല്‍ പോ​ലീ​സ് സ്ഥ​ല​ത്തെ​ത്തി ഓട്ടോക്കാരെ അറസ്റ്റ് ചെയ്യുകയായിരുന്നു.