ഹൈദരാബാദ്: ഡിസംബര്‍ 7നാണ് തെലങ്കാനയില്‍ തിരഞ്ഞെടുപ്പ് നടക്കുമ്പോള്‍ തെലങ്കാന നിയമസഭയിലേക്കുള്ള തെരഞ്ഞെടുപ്പില്‍ കോണ്‍ഗ്രസ് നേതൃത്വത്തിലുള്ള വിശാലസഖ്യം സീറ്റ് ധാരണയിലെത്തിയതായി റിപ്പോര്‍ട്ടുകള്‍. ആകെ മൊത്തം 119 അംഗങ്ങളുള്ള നിയമസഭയിലേക്ക് 90 സീറ്റുകളില്‍ കോണ്‍ഗ്രസാവും മല്‍സരിക്കുക . തെലങ്കാന ചുമതലയുളള കോണ്‍ഗ്രസ് നേതാവ് ആര്‍.സി ഖുന്ത്യയാണ് ഈ കാര്യങ്ങള്‍ അറിയിച്ചത്.
കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ അഭിപ്രായം തേടിയ ശേഷം സ്ഥാനാര്‍ത്ഥികളെ തീരുമാനിക്കുമെന്നും ഖുന്ത്യ പറഞ്ഞു. രണ്ടാമത്തെ വലിയ കക്ഷിയായ ടി.ഡി.പിക്ക് എട്ട് സീറ്റാണ് കോണ്‍ഗ്രസിന്‍റെ വാഗ്ദാനം. 12 സീറ്റെങ്കിലും വേണമെന്ന് പക്ഷെ ടി.ഡി.പി ആവശ്യപ്പെട്ടിട്ടുണ്ട്. തെലുങ്കുദേശം പാര്‍ട്ടി, തെലങ്കാന ജന സമിതി, കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ എന്നീ പാര്‍ട്ടികളാണ് കോണ്‍ഗ്രസിനൊപ്പം തെലങ്കാനയില്‍ മത്സരിക്കുന്നത്.
സി.പി.ഐ മൂന്നു സീറ്റുകളില്‍ മത്സരിക്കും പോരാതെ രണ്ട് എം.എല്‍.സി സീറ്റുകളും ഇവര്‍ക്ക് വാഗ്ദാനം ചെയിതിട്ടുണ്ട്. തെലങ്കാന ഭരിച്ചിരുന്ന ടി.ആര്‍.എസും ബി.ജെ.പിയും ഒറ്റയ്‌ക്കൊറ്റയ്ക്കായിട്ടായിരിക്കും മല്‍സരത്തെ നേരിടുക.
Post Your Comments