കര്‍ണാടക ഉപതെരഞ്ഞെടുപ്പ്: ഏറ്റവും പുതിയ ലീഡ് നില

\ബംഗളൂരു•കര്‍ണാടകയില്‍ ഉപതെരെഞ്ഞെടുപ്പ് നടന്ന അഞ്ച് സീറ്റുകളിലെ വോട്ടെണ്ണല്‍ പുരോഗമിക്കുന്നു. ഏറ്റവും ഒടുവില്‍ വിവരം ലഭിക്കുമ്പോള്‍ നാലിടങ്ങളില്‍ കോണ്‍ഗ്രസ്-ജെ.ഡി.യു സഖ്യം ലീഡ് ചെയുമ്പോള്‍ ഷിമോഗ മണ്ഡലത്തില്‍ ബി.ജെ.പി സ്ഥാനാര്‍ഥിയും മുന്‍ മുഖ്യമന്ത്രി ബി.എസ് യദിയൂരപ്പയുടെ മകനുമായ ബി.വൈ രാഘവേന്ദ്ര ലീഡ് ചെയ്യുന്നു.

ഷിമോഗ, ബെല്ലാരി, മാണ്ഡ്യ എന്നീ മൂന്ന് ലോക് സഭ മണ്ഡലങ്ങളിലേക്കും രാമനഗര, ജമഖണ്ഡി എന്നീ നിയമസഭാ മണ്ഡലങ്ങളിലേക്കുമാണ് ഉപതെരെഞ്ഞെടുപ്പ് നടന്നത്.

ആദ്യ റൗണ്ട് പിന്നിട്ടപ്പോള്‍ ബി.വൈ രാഘവേന്ദ്രയ്ക്ക് 3900 ലേറെ വോട്ടുകളുടെ ലീഡുണ്ട്.

ബെല്ലാരിയില്‍ കോണ്‍ഗ്രസിന്റെ വി.എസ് ഉഗ്രപ്പ 45,808 വോട്ടുകള്‍ക്ക് ലീഡ് ചെയ്യുന്നു.

ജമഖണ്ഡി മണ്ഡലത്തില്‍ കോണ്‍ഗ്രസ് സ്ഥാനാര്‍ഥി ആനന്ദ്‌ സിദ്ധു ന്യാമഗൗഡ 55,433 വോട്ടുകള്‍ക്ക് ലീഡ് ചെയ്യുന്നു.

രാമനഗറില്‍ ബി.ജെ.പിയുടെ എല്‍. ചന്ദ്രശേഖര്‍ക്കെതിരെ ജെ.ഡി.എസിന്റെ അനിതാ കുമാരസ്വാമി 8,430 വോട്ടുകള്‍ക്ക് ലീഡ് ചെയ്യുന്നു.