കൊച്ചി: കയ്യില്‍ കിട്ടിയ സമ്മാനം കണ്ട് അമ്പരന്ന് നില്‍ക്കുകയായിരുന്നു കൊച്ചിമെട്രോയിലെത്തിയ യാത്രക്കാര്‍. ആയുര്‍വേദത്തിന്റെ പ്രാധാന്യം ജനങ്ങളിലേക്കെത്തിക്കാന്‍ ലക്ഷ്യമിട്ട് ആയുഷ് മിഷനും കൊച്ചിമെട്രോയും ചേര്‍ന്നാണ് യാത്രക്കാര്‍ക്ക് ഔഷധ തൈകള്‍ സമ്മാനമായി നല്‍കിയത്. അശോകം മന്താരം, നീര്‍മരുത് ഉള്‍പ്പെടെ അപൂര്‍വ ഓഷധസസ്യങ്ങളുടെ നാലായിരം തൈകളാണ് കൊച്ചി മെട്രോയുടെ പ്രധാന സ്‌റ്റേഷനുകളില്‍ വന്നിറങ്ങിയ യാത്രക്കാര്‍ക്ക് സൗജന്യമായി നല്‍കിയത്.
വരും ദിവസങ്ങളില്‍ ആയുര്‍വേദ ദിനാചരണത്തിന്റെ ഭാഗമായി ഘോഷയാത്രകളും തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില്‍ ദിനാചരണ പരിപാടികളും നടക്കും. ആയുഷ് വകുപ്പ്, ജില്ലാ ദേശീയ ആയുസ് മിഷന്‍ എന്നിവര്‍ കെ എം ആര്‍ എലുമായി ചേര്‍ന്നു നടത്തിയ പരിപാടിയില്‍ ആയുര്‍വേദത്തിന്റെ പ്രാധാന്യം വിശദീകരിക്കുന്ന ലഘുലേഖകളും വിതരണം ചെയ്തു.
Post Your Comments