കൊച്ചി: മുഖ്യമന്ത്രി പിണറായി വിജയനെ പ്രശംസിച്ച് നടൻ ദേവൻ രംഗത്ത്. കേരളം കണ്ട ഏറ്റവും മികച്ച മുഖ്യമന്ത്രിയാണ് പിണറായി വിജയനെന്നും അദ്ദേഹം ചെയ്യുന്ന പ്രവർത്തനങ്ങൾ ഒന്നും മാധ്യമങ്ങൾ പക്ഷേ ജനശ്രദ്ധയില്‍ കൊണ്ടുവരുന്നില്ലെന്നും ദേവൻ വ്യക്തമാക്കി.
പോലീസ് വിഷയത്തില്‍ അല്ലാതെ മറ്റൊരു വിഷയത്തിലും ഈ സര്‍ക്കാര്‍ പിന്നോട്ട് പോയിട്ടില്ല.കേരളം കണ്ട ഏറ്റവും മികച്ച മുഖ്യമന്ത്രിമാരില്‍ ഒരാളാണ് പിണറായി വിജയന്‍ എന്ന കാര്യത്തില്‍ സംശയമില്ല’ -ദേവന്‍ പറഞ്ഞു. എന്നാൽ പല വിഷയത്തിലും മാധ്യമങ്ങളുടെ ഇടപെടല്‍ പലപ്പോഴും അനാവശ്യമാണ്. കേരളത്തില്‍ അല്ലാതെ മറ്റൊരു സംസ്ഥാനത്തും മാധ്യമങ്ങള്‍ക്ക് ഇത്രയധികം സ്വാതന്ത്ര്യം ലഭിക്കുന്നില്ലെന്നും അതുകൊണ്ടുതന്നെ മുഖ്യമന്ത്രി മാധ്യമങ്ങളോട് പുറത്തുകടക്കാൻ പറഞ്ഞതിൽ തെറ്റില്ലെന്നും ദേവൻ പറഞ്ഞു.
പ്രധാനമന്ത്രി നരേന്ദ്രമോദിയോടും തനിക്ക് ഏറെ ആരാധനയാണെന്നും ദേവന്‍ വ്യക്തമാക്കി. അദ്ദേഹത്തെ ക്രൂരനായി ചിത്രീകരിക്കുന്നത് ഇവിടുത്തെ മാധ്യമങ്ങളാണ്. നരേന്ദ്ര മോദിയില്‍ നിങ്ങള്‍ കാണുന്ന അപാകതകള്‍ എന്തൊക്കെയാണെന്ന് ഞാന്‍ ഒരുപാടു പത്രക്കാരോട് ചോദിച്ചിട്ടുണ്ട്. ഒരു മാധ്യമ പ്രവര്‍ത്തകനു പോലും അതിനു കൃത്യമായ മറുപടി തരാന്‍ ഇതുവരെ കഴിഞ്ഞിട്ടില്ലെന്നും ദേവൻ തുറന്നടിച്ചു.
Post Your Comments