കൊച്ചി: മലയാള സിനിമാ താരം രജിത് മേനോന്‍ വിവാഹിതനായി. അങ്കമാലിയില്‍ നടന്ന വിവാഹ ചടങ്ങില്‍ സിനിമാസീരിയല്‍ രംഗത്തെ നിരവധി പ്രമുഖര്‍ പങ്കെടുത്തു. ശ്രുതി മോഹന്‍ദാസാണ് രജിത്തിന്റെ വധു. ജനകന്‍, സെവന്‍സ്, ഡോക്ടര്‍ ലൗ, ഇന്നാണ് ആ കല്യാണം, ചാപ്‌റ്റേഴ്‌സ്, റോസ് ഗിറ്റാറിനാല്‍, അപ്പ് ആന്‍ഡ് ഡൗണ്‍: മുകളില്‍ ഒരാളുണ്ട്, ദൈവത്തിന്റെ സ്വന്തം ക്ലീറ്റസ് എന്നിങ്ങനെ മലയാളത്തില്‍ നിരവധി സിനിമകളില്‍ രജിത്ത് അഭിനയിച്ചിട്ടുണ്ട്.
തമിഴില്‍ നിനത്തത് യരോ എന്ന സിനിമയില്‍ അഭിനയിച്ച താരം ഹിന്ദിയിലും അഭിനയിച്ചിരിക്കുകയാണ്. സമീര്‍ ഇക്ബാല്‍ പട്ടേല്‍ സംവിധാനം ചെയ്യുന്ന ഹോട്ടല്‍ ബ്യൂട്ടിഫൂള്‍ എന്ന സിനിമയിലൂടെയാണ് രജിത്തിന്റെ ബോളിവുഡിലേക്ക് അരങ്ങേറ്റം നടത്തുന്നത്. കമല്‍ സംവിധാനം ചെയ്ത ഗോള്‍ എന്ന സിനിമയിലൂടെയായിരുന്നു രജിത്ത് ആദ്യമായി സിനിമയില്‍ എത്തിയത്.
Post Your Comments