രാജ്യത്തെ മഹത് വ്യക്തിത്വങ്ങളെ ആദരിക്കുന്നത് എങ്ങനെ കുറ്റമാകും; പ്രതിപക്ഷത്തിന് നേരെ ആഞ്ഞടിച്ച് മോദി

അഹമ്മദാബാദ്: സർദാർ വല്ലഭായ് പട്ടേലിനെ ആദരിക്കാനായി നിർമിച്ച അദ്ദേഹത്തിന്റെ പ്രതിമ ഇന്നലെയാണ് പ്രധാനമന്ത്രി നരേന്ദ്ര മോഡി ഉദ്‌ഘാടനം നടത്തിയത്. ഇപ്പോൾ ലോകത്തിലെ ഏറ്റവും വലിയ പ്രതിമ ആയി മാറിയിരിക്കുകയാണ് ഇത്. മോദിയുടെ സ്വപ്ന പദ്ധതിയാണ് ഈ പ്രതിമ. പക്ഷെ അദ്ദേഹത്തെ ആദരിച്ചതിനു പ്രതിപക്ഷം തന്നെ കുറ്റക്കാരൻ ആയി കാണിക്കുന്നു എന്ന് മോദി പറഞ്ഞു. പട്ടേല്‍ പ്രതിമ നിര്‍മിച്ചതോടെ തന്‍റെ സ്വപ്നം യാഥാര്‍ഥ്യമായെന്നും മോദി പറഞ്ഞു.

ഏകതാ പ്രതിമ ഭാരതത്തിന് സമർപ്പിച്ച ശേഷം ജനങ്ങളോട് സംസാരിക്കവെ ആണ് അദ്ദേഹം പ്രതിപക്ഷത്തിന് നേരെ ആഞ്ഞടിച്ചത്. രാജ്യത്തെ ഉന്നതിയിൽ എത്തിക്കാൻ പ്രവർത്തിച്ച മഹത് വ്യക്തിത്വങ്ങളെ ആദരിക്കുന്നത് എങ്ങനെ തെറ്റാകും എന്ന് മോദി ചോദിക്കുന്നു. എല്ലാ ഇന്ത്യക്കാര്‍ക്കും ചരിത്രപരമായ ആവേശോജ്ജ്വലമായ നിമിഷമാണിതെന്നും അദ്ദേഹം കൂട്ടിച്ചേർത്തു.