ഇന്ധന വില ഇന്നും കുറഞ്ഞു; ആശ്വാസത്തോടെ സാധാരണക്കാര്‍

കൊച്ചി: ഇന്ധന വില ഇന്നും കുറഞ്ഞു. ഇന്ന് പെട്രോളിനു 41 പൈസയുടെയും ഡീസലിനു 35 പൈസയുടെയും കുറവുണ്ടായി. തിരുവനന്തപുരത്തു പെട്രോള്‍ വില 83.35 രൂപയായും ഡീസല്‍വില 79.26 രൂപയുമായപ്പോള്‍ കോഴിക്കോട് പെട്രോള്‍ വില 82.26 രൂപയും ഡീസല്‍ വില 78.12 രൂപയുമാണ്.

കൊച്ചിയില്‍ 81.90 രൂപയാണു പെട്രോള്‍ വില. ഡീസല്‍ വിലയാകട്ടെ 77.76 രൂപയുമായി. ഇതോടെ കഴിഞ്ഞ പത്തു ദിവസത്തിനിടെ പെട്രോളിനു 2.84 രൂപയും ഡീസലിന് 1.73 രൂപയും കുറഞ്ഞു. രാജ്യാന്തര വിപണിയില്‍ അസംസ്‌കൃത എണ്ണവില ഇടിയുന്നതിന്റെ ഭാഗമായാണ് സംസ്ഥാനത്ത് ഇന്ധനവില വീണ്ടും കുറയുന്നത്.