കോഹ്‍ലിയുടെ സെഞ്ചുറി തുണച്ചില്ല; മൂന്നാം ഏകദിനത്തില്‍ വിന്‍ഡീസിനോട് ഇന്ത്യയ്ക്ക് തോല്‍വി

പൂണെ: തുടര്‍ച്ചയായ മൂന്നാം സെഞ്ചുറിയുമായി ക്യാപ്റ്റന്‍ വിരാട് കോഹ്ലി മികച്ച പ്രകടനം കാഴ്ചവെച്ചിട്ടും വിന്‍ഡീസിനോട് ഇന്ത്യയ്ക്ക് തോല്‍വി. 43 റണ്‍സിനാണ് വിൻഡീസ് വിജയം സ്വന്തമാക്കിയത്. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ വിന്‍ഡീസ് 50 ഓവറില്‍ ഒന്‍പതു വിക്കറ്റ് നഷ്ടത്തില്‍ 283 റണ്‍സെടുത്തപ്പോള്‍, ഇന്ത്യയുടെ മറുപടി 47.4 ഓവറില്‍ 240 റണ്‍സില്‍ അവസാനിച്ചു. കോഹ്‍ലിയുടെ സെഞ്ചുറിയില്‍ വിജയപ്രതീക്ഷയുടെ ചെറുദീപം ഇന്ത്യ കണ്ടിരുന്നെങ്കിലും അത് അസ്ഥാനത്താകുകയായിയിരുന്നു.

19 പന്തില്‍ 10 ബൗണ്ടറിയും ഒരു സിക്സും സഹിതം 107 റണ്‍സെടുത്താണ് കോഹ്‍ലി പുറത്തായത്. രോഹിത് ശര്‍മ (8), ശിഖര്‍ ധവാന്‍ (35), അമ്ബാട്ടി റായുഡു (22), ഋഷഭ് പന്ത് (24), മഹേന്ദ്രസിങ് ധോണി (7), ഭുവനേശ്വര്‍ കുമാര്‍ (10), യുസ്‌വേന്ദ്ര ചാഹല്‍ (3), ഖലീല്‍ അഹമ്മദ് (3), ജസ്പ്രീത് ബുമ്ര (0) എന്നിങ്ങനെയാണ് മറ്റ് ഇന്ത്യന്‍ താരങ്ങളുടെ പ്രകടനം. കുല്‍ദീപ് യാദവ് 21 പന്തില്‍ 15 റണ്‍സുമായി പുറത്താകാതെ നിന്നു. വിന്‍ഡീസിനായി സാമുവല്‍സ് മൂന്നും ജേസണ്‍ ഹോള്‍ഡര്‍, ഓബദ് മക്കോയ്, ആഷ്‌ലി നഴ്സ് എന്നിവര്‍ രണ്ടു വിക്കറ്റ് വീതവും വീഴ്ത്തി.